غريبة الدنيـا

#غريبه_الدنيا..
.
غريب لمن تشوف بت و تعجبك و تحاول بكل الطرق انك تصلها،
و تعاني
و تصدك
وتاني تحاول
وما تزهج
و تسمع كلام ما حلو بس مامشكلة تمشيها
و تعمل المستحيل عشانها
وفي النهاية تصل و تفوز بقلبها..
و تكونو حلوين مع بعض و اموركم ظابطه..
.
بس  بعداك!!
.
فجأة تتغير عليها
تكون سبب مشاكلها
تكون سبب في بكاها
وتكون سبب لتعاستها !!
و هي تحاول بكل الطرق انها تحتفظ بيك
تحتفظ بقلبك
تراضيك
تفتش ليك في الاعذار
تتنازل
و ممكن تنكسر و قلبها بنزف
بس عشانك صامده
وانت لسه مواصل في الوجع
ولسه مواصل تطعن فيها!!
.
طيب!
وين الزول الكان بهاتي عشانها ؟!
وين الزول البتوتر لمن يشوفها ؟!
وين الزول الكان بتصل بكل لهفة يسمع صوتها ؟!
وين الزول البكسر رقبتو عشان يسمع منها كلمة حلوة ؟!
وين الزول الكان كل همو يشوفها مبتسمه
مبسوطه
فرحانه
سعيده
راضيه عنو؟!
وين الزول ده ؟!
.
طيب ليه ما تسعى زي ما كنت بتسعى في الاول عشان تحتفظ بيها!!
تسعي عشان تخليها فخورة وهي معاك
سعيده وهي معاك
مطمئنه وهي معاك
مرتاحه وهي معاك !!
.
.
طالما في حب حتكون في مشاكل او سوء تفاهم و عترات،،
بس مهما يحصل خليك اقوى منها،
عشان حاجتين بس!
عشان لحظة فرحك اول ما كسبتها !
وعشان هي اختارتك تكون رفيقها.
. 
.
محمد طارق |زول درويش.