انتخابات

من صحيت لقيت العربية اخبار شغاله
وشمارات والحوثين والردم والفرتكه..
قلت خلاص افتح قنواتنا بدل الهم والغم ده ..
وماشاءالله فتحت لقيتهم ضاربين الهم بصندوق من صناديق الاقتراع الملانة من الاسبوع الفات.. ياخي من سنة قطم ملانة .. و الفنانين والرياضين يدعمون حملة البشير الرئاسية .. والجرايد تكتب عن حدث اليوم والملااااااايييييين ماشين يصوتو..
ماعارف الملاين ديل جابوهم من وين اذا الفيس كلو مقاطع!!
شي يحير!
و جدودنا زمان وصونا علي والوطن ,, وانتخبوا البشير..
و الاجازة
و باقي المرشحين الماعارف هم وين ؟؟
شكلهم مؤجزين مع الشعب..
وهسه تلقاهم متكلين في حوش السمك يا سوق الناقه!!
ناقة تسككم ان شاءالله!!
.
.
وانا زااتي ضربت الهم وركبت السماعات وفتحت زنق
مدام الحال مزنوق في زقاق ضيق و مضلم ومكشح فيو قزاز مكسر وهو ماشي حفيان. .
.
#محمد_طارق_زول_درويش