لمن تلاقي شباب دفعتك في الأساس والثانوي بعد سنييين و شكل الدهشة الاترسمت عليك وانت مندهش !!
فلاااان !!
يا زووول !!
لاحول الله !!
عاش من شافك ياخ !!
و فلان ده شكلو اتغير من زمان طول أو ضعف بس لسه ملامحو ياها..
و لسه في عيونو المراهق الكان قاعد جمبك في الفصل..
الكان بتونس معاك في الحصة..
الكان بدك معاك عشان تلعبو بليستيشن. .
الكان بخمس معاك الباسطة..
الكان مداقرك ومشغلا ليك طوالي. .
الكان بشاركك فطورو لو ما عندك. .
الكان بشراكك الفته..
الكان ما بسجلك لو هو الفه..
الكان بغطي عليك لو غبت..
لسه المراهق داك في عيونو ظاهر. .
.
وتقعدو تتشاركو ايام زمان و تتذكرو المواقف الطريفة و بالذات المحرجة و تقول صحي والله كنا شفع!!
و تتذكرو أستاذ فلان لمن عمل كده
و تتذكرو فلان كان معذب الأساتذة
وفلان مصاحب الأساتذة
وفلان بلعب كورة في فريق الأساتذة
و تحاكو اي أستاذ
و ردود أفعالهم لمن واحد يجاوب غلط
واكتر أستاذ كان جلاد
واكتر أستاذ كان مسكين. ..
يااااااخ يا !!
ايااام والله !!
وتضحكو علي بعض
وتتمنو لو الزمن يرجع بيكم تااااني ..
وكل ما تتلاقو تاني تتونسو ب ايامكم زمان. .
.
.
#محمد_طارق_زول_درويش
ليست هناك تعليقات:
إرسال تعليق