بيني و بينك
نفاج مفتوح
علي مصراعين ..
يخش الشوق
يطلع حنين ..
يجيك بهناك
معاهو انين ..
يلف و يدور
زمن و سنين ..
يصدو هواك
يجيني حزين ..
الز الريد
ماكن و سمين ..
يقيف حداك
ضعيف مسكين ..
و لسه نفاجنا
علي مصراعين ..
أنادي العشق
ده ما ليو دين ..
وازكرو كمان
حرب حطين ..
يجيك متحمس
جيشو متين ..
و يطلع حبك
مجهزلو كمين ..
و يطلع قلبك
صلاح الدين ..
.
وبرضو بيني وبينك
نفاج مفتوح علي مصراعين.
.
.
محمد طارق | زول درويش.
الثلاثاء، 29 سبتمبر 2015
نفاج
الاشتراك في:
تعليقات الرسالة (Atom)
ليست هناك تعليقات:
إرسال تعليق