مقالب

#مقالب
-لمن كنت صغير بلعب بالتراب اقصد كان عندي لبسه حقت باتمان قناع كده و معاو عبايه المهم لبسه كامله كنت يلبسها بعد صلاة العشا وبطلع اندسا ورا شجر الحنه ..
الشارع بكون مضلم .. المهم بس اشوف زول جاي بجي جاري عليو واكورك وووو و بواصل جريتي عشان ما اخد علقه ..
والله الناس كانت ب تفحط فحيط 😂😂. .
-شويه كبرنا كان في مسابقة زين بوزعو كورلات في رمضان .. قمت ضربت لامي من رقم غريب وقلت ليها مبروك فزت معانا بالعربيه وانا بتكلم وواقف جمب البيت سامعها تكورك فرحانه جيت خاشي ليها وبضحك عرفتني طوالي ودقتني دق  😭
😂😂😂
- عندنا زميلتنا في الجامعه فجأة كده اتنقبت قمت ضربت ليها الو اختي فلانه ؟
ايوه معاك
بارك الله فيك اختاه لقد فزتي معنا ب حجاب كامل مقدم من المكتبه العلميه .. المكتبه العلميه دي كانت تبع أنصار السنة و جمب كفتريا اوزي او كسلا سابقا لناس الجنوبي ..
المهم البت لمن عرفتني بعد أسبوع فكت النقاب 😂😂
- مره قلت لصحبي جاي عليك جهز العصير .. صحبي جنو وجن المراسيل قام ومشي الدكان و جاب حاجات العصير و جهزو وخلاهو في التلاجه .. اها ضرب لي انت وين ياخ ! قلت ليو في البيت وضحكت سمعت كم تيت تيت كده وقفل التلفون 😂😂😂😂
- واحده من الأخوات دايره تمقلب صحبتها و كلمتني قلت ليها الموضوع منتهي اديني اسمها وبتقرا شنو ووريني حاجه تكون عميقه..اها قالت لي هي دايره واحد قريبها بس هو ما شغال ليها .. قمت رسلت للبت علي اساس انا قريبها و اتونست معاها وديك يا الونسه وديك يا الظرافه والله قربت أصدق اني قريبها 😁😁😁 وقلت ليها عازمك والبت ما صدقت وفرحت ومشت كلمت صحباتها و انا براحه حظرتها ومسحت رقمها وفي النهايه عرفت انو مقلب وضربو لي أصحابها و أولاد حلتهم ونكرتها حطب و شربت المقلب بنجاح 😂😂😂😂😂
.
المقالب دي حاجه حلوة ياخ صدقوني !
.
.
محمد طارق | زول درويش.