انا و الشمس

ﺣﺎﺟﻪ ﻛﺪﻩ ﺧﻔﻴﻔﺔ ﺑﻤﻨﺎﺳﺒﺔ ﺍﻟﺴﺨﺎﻧﻪ ﺩﻱ. ..
.
.
ﻃﻠﻌﺖ ﺑﺮﺍ ﻛﺪﻩ ﻟﻘﻴﺖ ﺍﻟﺸﻤﺲ ﻣﺤﻤﺮﻩ ﻟﻲ ﻋﺪﻳﻴﻴﻞ ﻛﺪﻩ ﻟﻤﻦ
ﺍﺣﺘﺮﺕ...
ﻋﺎﻳﻨﺖ ﻟﻴﻬﺎ ﻛﺪﻩ ﻭﺳﺎﻟﺘﻬﺎ ﺑﻜﻞ ﻟﻄﺎﻓﻪ..
-ﻳﺎ ﺍﻟﻌﺰﻳﺰﺓ ﻳﺎ ﺍﻻﺧﺖ ﺧﻴﺮ ﺍﻥ ﺷﺎﺀﺍﻟﻠﻪ ؟ ﻣﺎﻟﻚ؟
-ﺣﻤﺮﺕ ﻟﻲ ﺯﻳﺎﺩﺓ ﻭﻗﺎﻟﺖ ﻭﺍﻟﻠﻪ ﻳﺎﻣﺤﻤﺪ ﺑﺘﺒﺎﻟﻐﻮ ﺑﻮﻟﻴﻎ!! ﻣﻌﻘﻮﻟﻪ ﻟﻜﻦ؟ !!
- ﻗﻠﺖ ﻟﻴﻬﺎ ﻭﺍﻟﻠﻪ ﺣﻴﺮﺗﻴﻨﻲ ﻓﺸﻨﻮ؟ ﺍﻟﺰﻋﻠﻚ ﻣﻨﻮ؟ ﻭﺍﻟﻠﻪ ﻧﺤﻦ ﺷﻌﺐ
ﻣﺴﻜﻴﻦ ﻭﻋﻠﻲ ﺍﺩ ﺣﺎﻟﻮ..
- ﻓﺠﺄﺓ ﺑﻘﺖ ﺗﻀﺤﻚ ﻭﺗﻀﺤﻚ ﻭﻣﻊ ﻛﻞ ﺿﺤﻜﻪ ﺣﺴﻴﺖ ﺑﺎﻟﻮﺍﻃﻪ ﺑﺮﺩﺕ
ﺷﻮﻳﻪ.
ﻋﺮﻓﺖ ﺍﻧﻬﺎ ﺯﻋﻼﻧﻪ. .
- ﻗﺎﻟﺖ ﻟﻲ ﺍﻭﻻ ﺍﻟﺴﻮﺩﺍﻥ ﺩﻩ ﻣﺎﻧﺎﻗﺺ ﺑﺮﺍﻭ ﻃﻘﺴﻮ ﻛﻌﺐ ﺗﺠﻮ ﺍﻧﺘﻮ
ﺗﺰﻳﺪﻭ ﺍﻟﻄﻴﻦ ﺑﻠﻪ؟؟
- ﻗﻠﺖ ﻟﻴﻬﺎ ﻣﻨﻮ ﺩﻩ؟ ﺍﻧﺎ ﺩﻩ؟ ﺑﺮﻱ ﺑﺮﻱ ؟
- ﺿﺤﻜﺖ ﻟﻲ ﺗﺎﻧﻲ ﻭﺍﻟﻌﺮﻕ ﺑﺪﺍ ﻳﻨﺸﻒ
- ﻗﻠﺖ ﻟﻴﻬﺎ ﺍﻱ ﺧﻠﻴﻚ ﻃﻮﺍﻟﻲ ﺿﺎﺣﻜﻪ ﻧﺤﻦ ﺑﻘﻴﻨﺎ ﻛﺮﺳﺒﻲ ﻋﺪﻳﻞ ﻭﺍﻟﻠﻪ !
- ﻗﺎﻟﺖ ﻟﻲ ﺍﻧﺘﻮ ﻛﺒﻴﺮﻛﻢ ﻳﻐﺶ ﻋﻠﻲ ﺻﻐﻴﺮﻛﻢ ﻭﺻﻐﻴﺮﻛﻢ ﻳﻐﺶ ﻋﻠﻲ
ﻛﺒﻴﺮﻛﻢ.. ﺍﻟﻌﻨﺪﻭ ﻣﻨﺼﺐ ﻳﺸﻐﻠﻮ ﻟﻤﺼﻠﺤﺘﻮ ﻭﻣﺎ ﻫﻤﻮ ﻓﻲ ﺍﻟﻨﺎﺱ
ﺍﻟﺘﻌﺒﺎﻧﻴﻦ ﺗﺤﺘﻮ.. ﺍﻟﺮﺷﻮﺍﺕ ﻭﺍﻻﺧﺘﻼﺱ ﻋﻴﻨﻚ ﻋﻴﻨﻚ.. ﻧﻬﺐ
ﺗﺤﺮﺵ
ﻗﺘﻞ.. ﺑﻨﺎﺗﻜﻢ ﻛﻴﻒ!!.. ﺍﻭﻻﺩﻛﻢ ﻛﻴﻒ!! ...
ﻧﺴﻴﺘﻮ ﺩﻳﻨﻜﻢ ﺗﻘﺎﻟﻴﺪﻛﻢ
ﻋﺎﺩﺍﺗﻜﻢ !!.
- ﻋﺎﻳﻨﺖ ﻟﻴﻬﺎ ﻭﻣﻐﻴﻮﻅ ﺷﺪﻳﺪ.. ﻭﻧﺤﻦ ﺫﻧﺒﻨﺎ ﺷﻨﻮﻭﻭﻭ؟ !! الكادحين في الأرض ديل ذنبهم شنو ؟!
الشغالين في الشارع ذنبهم شنو ؟!
ﺫﻧﺒﻨﺎ ﺷﻨﻮ ؟ ﻭﺭﻳﻨﻲ ﺑﺲ؟
- ﺭﺩﺕ ﻭﻫﻲ ﺯﻋﻼﻧﻪ ﻭﺍﻟﺴﺨﺎﻧﻪ ﻣﻨﻬﺎ ﺯﺍﺍﺍﺩﺕ ﺷﺪﻳﻴﺪ ﻗﺎﻟﺖ ﺩﻩ ﺍﻟﻮﺿﻊ
ﺍﻟﻌﺎﻡ ﻛﺪﻩ ﻳﺎﻣﺤﻤﺪ ﻳﺎﺗﻐﻴﺮﻭﻫﻮ ﻟﻼﺣﺴﻦ ﻳﺎ ﺗﺴﺘﺤﻤﻠﻮ ﻭﺗﻔﻀﻠﻮ ﻣﻌﺬﺑﻴﻦ
ﻛﺪﻩ...
- ﻫﻬﻬﻬﻬﻪ ﻣﻌﻨﺎﻫﺎ ﻧﺴﺘﺤﻤﻞ ﺑﺲ ﻭﺍﻟﻔﺮﺝ ﻣﻦ
ﺍﻟﻜﺮﻳﻢ.. ﻭﻣﺸﻴﺖ ﺧﻠﻴﺘﻬﺎ ﻋﻠﻲ ﻛﺪﻩ..
ﻭﻋﺮﻓﺖ ﺳﺒﺐ ﺍﻟﺴﺨﺎﻧﻪ ﺩﻱ ﺷﻨﻮ..
.
.
ﺍﻫﺎ ﺍﻧﺘﻮ ﻋﺮﻓﺘﻮ ؟؟؟
.
.
#محمد_طارق_زول_درويش