النكدين

#النكدين..
.
.
النكدين هم عبارة عن ناس مافي شي عاجبهم
و قرفانين من كل حاجة حولهم
وعندهم رأي في اي شي.. وبنلقاهم في اي مكان
#المواصلات
تلقاو قاعد جمب الشباك يطنطن براو و يحمر للكمساري و يتململ في الكرسي يجيب كثافة الزول القاعد جنبو..
.
#الأعراس
الناس مبسوطه و مهيصه بس الا هو يعاين و ينظر والعرس بقى غالي و صعب و خلينا العرس ما دايرين نعرس زاتو.. لشنو صالة قدر ده الخيمه عيبها شنو ؟
والكوشه كبيرة كده ما يعملوها صغيرة و يختو وراها فروع نخيل !! ..
والاكل ده زاتو كتير والله تعمل سندوتشات وخلاص
هو الناس جايه تأكل ولا ترقص! رقيص زاتو مابعرفو عاين ليهم شتر كيف !!
هو الدنيا زاتها آخرها كوم تراب !!
لحدي ما العرس ينتهى هو بكون شغال كده ..
.
#الاسواق
يغالط في التجار ..يازول سعرك غالي زمان البنطلون ب 7 جنيه وانت داير تبيعو لي ب 120 جنيه؟! ليه بتلبس براو ؟! هو زاتو عاين ليو باهت كيف !
قال 120 قال !
120 دي انا افتح  بيها محل !!..
بكون شغال كده ومايفضل لصاحب المحل الا يشلتو..
.
#الفيسبوك
أما ديل
ديل !
دييييييل!
لاحول ولا قوة الا بالله
اول شي بوستاتو كلها نكد
كلها نفسيات
كلها وجع قلب
كلها شوكشه
كلها شكيه
كلها وووب
مفروض يدقو ليو صيوان عزا في صفحتو..
تاني في القروبات والصفحات يجو بس يطممو الزول. .
طوالي بجوني ناطين في الصفحه العامه و داك يا النكد ..
اول شي ردهم ما عندو علاقه مع الموضوع المطروح نهائياً
بتاتاً
قطعاً
هم في جهة وانت في جهة..
وعندهم قوة راس كده غريبه
ماعندهم علاقه بالمرونه والنقاش الهادف و النقد البناء..
بنقدو نقد ديوك بس ..
صراحة يسدو النفس والله ..
و يجيبو للواحد قضروف في القلب..
عادي ممكن تحرد ليهم المكان أو البوست او اي شي يدخلو فيو..
.
.
المهم عليكم الله روقو شويه
ختو الكورة دي في الواطه
فرفشو
اضحكو
ابتسمو
خلو صدركم ده واسع
والله نحن زاتنا مهموين
بس زي ما بقولو
ضاربين الهم والنكد
و مدينهم شلوت زاتو..
.
.
محمد طارق | زول درويش.