حاجة غياظة

حاجة غياااااظه شدييييد >_<
.
.
.
تكون في أمان الله بتقلب في صفحتك وبتطلع علي الصفحات التانية  و مهتم بالحاصل شنو و في نص الصفحات  تلقي واحد منزل صورة فنان ولا اي شي و كاتب كم لايك للصورة ..
دي حاجه عاديه و موجودة بكثرة كمان. .
لكن !!
الما عادي انك تفتح الصفحة عشان تشوف الناس الكمية المعلقين ديل قالو شنو.. فضول وكده. .
التعليق الأول عادي ..
التاني برضو تعليق عادي. .
التالت واحد كاتب
"كم لايك لاسم سيدنا محمد"
وتلقى معشر كامل عامل لايك !!
هسي في زمتك اسم سيدنا محمد الجابو هنا شنو ؟!
دي حاجه مبتذله وقبيحه جداً انك تخت اسم سيدنا بغرض انك تاخد أكبر عدد من الإعجابات. .
ما تقول لي بتحب الرسول (ص) وماعارف شنو كلنا والله  بنحبو..
لكن ما كده..
ما بالأسلوب ده !
الواحد يخرب ليك مزاجك
ويفور دمك ويقعد >_< ..
.
والشي البحير اكتر العاملين إعجاب ديل ..
ياخي لكل مقام مقال !!!
و لو داير تلعب وتلف وتدور العب بحاجة تانيه..
ما ناقصين تجار دين ياخ..
.
وده كوم و ناس "حلفتك بالله" كوم تاني. .
و لو طنشت الصورة انت كافر والشيطان لعب بيك..
والله انتو الشيطان لاعب بيكم حجله عديل كده. .
.
.
تخريمه : مفروض ناس داعش ديل يعملوا ليهم فرع في الفيس عشان الزي ديل. .
.
.
الله يهديكم
ويهديكم
ويهديكم
ويهدينا ..
.
.
محمد طارق | زول درويش.