اسئلة للرد

الواحد يكون نايم وفجأة يحلم بأنو في السودان
وماشي في شوارع مضلمه شديد
ويجيك كلب من حيث لا تحتسب يقطع قلبك
وبعد معافرات  و شلاليت وفليق الكلب يتخارج منك
وفجأة تقوم جاري
جاري وبتنطط
زي الارنب. .
يلا انتو اتخيلو المنظر براكم..
والشوارع لسه مضلمه
وبعد شوية تلقى نفسك جاري وسط كوشه..
وناس من الحلة يشوفوك ويقولو ليك متين رجعت السودان؟ ؟
جبت لينا معاك هدايا؟ ؟
لالا ما جبت هدايا ..
وانا جاري وبسال نفسي صحي انا متين رجعت؟ ؟
.
.
وتصحى نفسك قايم..
استغفر الله العظيم. .
.
يلا الحلمة دي خلتني اكتب  الكلام الجاي ده
و الكلام الجاي حااار
اي حار
جد شي بزعل وبخجل ويخزي لمن تمشي بلد تانيه وتشوف الفرق بينها وبين بلدك..
اي بلدي بحبو و حنين واي شي..
لكن ليه نحن ما نكون زي باقي البلاد واحسن؟ ؟
ليه ما نكون بلد متقدمه؟ ؟
ليه ما تكون البلد نضيفه و منظمة ؟؟
يعني ما معقولة لحدي هسه الواحد عشان يطلع ليو مستند رسمي شخصي زيتو يطلع و يتجرجر و يقنع من زمنو عشان يخلص..
لمتين تكون شوارعنا وسخانه
مؤسساتنا وسخانه؟؟!!
ليه ما يكون التعليم مجاني؟؟!!
العلاج مجاني؟؟!!
الخدمات "موية..كهربا.." مجانيه ؟؟؟!!!
ديل أبسط شي ممكن تقدم لينا كمواطنين..
لمتين الناس دي حتكون حياتها معاناة وقهر؟؟!!
لمتين حنفضل نلعن ونسب الحظ الأعور؟ ؟!!
لمتين حنكون كده ؟؟!!
حنتطور متين؟ !
.
والله ما قريب ..
مقصرين كلنا والله
كشعب كحكومة. .
.
رغم قساوة المحن إلا إنك عزيز ياوطني..
.
.
محمد طارق | زول درويش.