المورينقا

#المورينقا
.
.
وأنت راجع من الجامعه
او الشغل
أو اي مكان
وفي نص المحطة بتلاقيك عربية واقفه مغطية بإعلانات ورق لمن تحس بيها مطحلبه..
و فوق ليها مكبر صوت شغال ..
تقرب عليها
تلقى كمية من العلب والاكياس المعبأة ومرصوصه في شكل رفوف..
وعمك كبير كده خاتي كرسي وقاعد جمب العربيه ..
تجي ماشي جمبو يمد ليك علبة او  كيس
لمن انت تتخلع ياربي الزول ده مالو ؟!
تعاين للعربية تلقى مكتوب بالخط العرييييض
#عشبة_المورينقا
لعلاج جميع الأمراض
آلام الظهر والمفاصل
الصداع النصفي
الغضروف
الزلالي
البواسير
الزهايمر
وجع النوايط
وجع القلب
علاج الشواكيش
التتنس
السل
الدرن
عين السمكه
ابو الضباح
الشعر المتساقط
الجلحات
الصلع
القوبه
الثعلبه
البرجم
الحمو نيل
علاج الفلايت
زوغان الركب
الرباط الصليبي
علاج المصران
وجع البطن
المغص
القولون العصبي.. والكثير من الأمراض التي نسيت إسمها !!
.
الآن العشبه السحرية في متناول يديك
فقط !
بلها
سخنها
واشربها !
.
العشبه #اوريو حل لجميع مشاكلك .
.
و المفاجأة !!
.
يمكنك زرعها في حوش بيتكم زيها وزي الحنه او الدبس واحد!
.
.
والغريب في الأمر في ناس بشتروها و بزرعوها !!
فشنوووو مفروض الصيادلة يعتزلوا
ويشترو عربية الولاية البتتفتح دكان دي و يدورو طوالي !
.
.
محمد طارق | زول درويش.