الحبوبات

في حياتنا ربنا أكرمنا بنعم كتيرة لا تحصى ولا تعد.. وقبل اي شي نقول الحمد والشكر لله ..
من النعم التي انعمها الله علينا الحبوبات والخالات الكبار ..
ماشاءالله ديل عندهم تجربه وقصة لاي شي..
ممكن تكون بتتونس معاها ساعات وما تمل .. طريقة ونستهم وسردهم للحكايات زاتها ظريفه..
ليهم مكانة خاصة في القلوب..دايماً بدعو للتواصل والتراحم..بحبو اللمة والبهجة. .
ومن اظرف الحاجات البتعجبني عندهم طريقه السلام..
أولا الوحده فيهن لمن تمد يدها بتمدها ليك بالجمبه وتمسك يدك من تحت زي لمن تكون ماسكة مطبقتها ..
تانيا السلام في حد زاتو
مثلا...
سلامات ياناس جوه
كيفنكم
ان شاءالله طيبين
الله يخليك
الله يعافيك
الله يسلمك
الله يبارك فيك
الله يسلمك
الله يبارك فيك
الله يسلمك
الله يشدك
الله يبارك فيك....
وهكذا ممكن تلقاهم واقفين بسلمو كده ربع ساعة
و ياخدو صنة و يواصلو تاني..
.
.
ربنا يمد في أعمارهم و يديهم العافية. .
ويرحم من رحلوا عن دنيانا ..
.
.
#محمد_طارق_زول_درويش