#الملل
هو حالة تصيب الزول بالغثيان
و القلب بوجع القلب
والعيون بوجع العيون
وبتعمل تبلد في المشاعر
ووجع ركب
ووجع أفكار. .
وتوقف في الدورة الدموية لمن تخلي الزول دمو تقيل
تحكي ليو نكته تلقاو مبحلق عينو وفاتح خشمو بعاين ليك..
بتخلي الزول خارج نطاق اي شي..
بس زول جابو ختو وريالتو صابه..
والملل ناتج من عدم الموضوع
وعدم الموضوع بعلم المشاط
وسك سك
وعريس وعروس
و بطلع المواهب المدفونه ..
فجاة تلقى نفسك بتعرف تغني
بتعرف ترقص
بتمثل
بتكتب
شاعر
و بتستشعر..
واحتمال كبير تلقى روحك بتطبخ ولا شايل مقشاشة..الكلام ده للأولاد. .
كلو وارد..
وترجع تاني للملل
والململه
والقلق
وتتلفت زي مروحة الطربيزة
و تخش بهنا تطلع بهناك..
ولو زول سالك بتسوي فشنو؟
يقول ليك بضفر للكديسه اصلو ضفورها وسخانه o.O
شفتو كيف؟
الكديسه زاتها طلعت ماعندها موضوع وجات قعدت ليك ..
.
غايتو الحمدلله. .
.
اللهم اكفنا شر الملل
ما ظهر منو وما حصل..
و جنبنا عدم الموضوع
البخلي الزول كل دقيقه بجوع..
امييييين .
.
.
#محمد_طارق_زول_درويش
الثلاثاء، 29 سبتمبر 2015
الملل..
الاشتراك في:
تعليقات الرسالة (Atom)
ليست هناك تعليقات:
إرسال تعليق