#ملح_ملح !
.
العبدلله بحب ليو وحده حب مبالغ فيو. .
وهي لسه طالبه وعلي وشك السنة الأخيرة وكده. .
العبدلله ما مقصر مع البت كلو كلو. .
شي شارع النيل
وشي عفراء
وشي حبيبي مفلس
وشي تحت كبري توتي
ده لفه بيها الخرطوم كلها..
ماشاءالله أمورهم واضحه طالعين سوا
نازلين سوا..
عين العدو قربت تصيبهم..
المهم في آخر سمستر الفترة كانت قبل عيد الفطر ،
فجأة البت اختفت!
قطعت تلفوناتها !
وبقت ما بترد عليو!
العبد لله اتجرس الجامعة مؤجزة
ومافي طريقه يلاقيها ورمضان
والبت قاطعه مويه ونور!!
المهم بجاي بجاي اتصل علي وحده صحبتها النوع اللسانو خفيف وما بتتبلا في خشمها فوله..
قالت ليو عاين يا فلان زولتك دي ب الواضح كده والواضح ما فاضح أتقدم ليها واحد مغترب شافها في عرس فلانه وعجبتو.. ويا يمه عندو بيت ببني فيو و وحيد امو وما عندو أخوات. . وانت يا كافي البلا شغال ليك ميه سنه موتر ما عندك..المهم البت أحسن تشوف مستقبلا و تأمنو..وانت اكسب زمنك عان جلحاتك وصلن وين ؟ ..
.
البت جاطت ليو افكارو وحساباتو..
.
العبدلله انصدم كيف تتخلا عنو بالصورة دي!!
بعد سنين العشرة الاتقاسموها خمسه خمسه!!
.
المهم بعد أسبوع اتصلت عليو زولتو..
اسمع يا انت والله معليش بس لحدي هنا كفاية
نحن ما ننفع نكون لبعض
مستقبلنا حيكون مظلم
طريقنا مسدود
و احسن اي واحد يشوف مستقبلو ..
وتيت قفلت التلفون ..
خلت ليك العبدلله خشمو ملح ملح..
.
.
عدت الأيام و في عيد الفطر العبدلله سمع بعقد زولتو القديمة ..
والضحك شرطو..
وقرر انو يغترب..
.
وتربي كتكوت يشيلو مغترب و يفوت.
.
تمت.
.
.
#محمد_طارق_زول_درويش
ليست هناك تعليقات:
إرسال تعليق