حاجة غريبة

حاجة غريبة كده !!
.
.
وانت ماشي في الشارع في المحطة ماشي الشغل او الجامعة او اي مشوار .. والشمس في نص الصلعه و العرق يتقطر منك قطره قطره وفجأة نظرك يقع في بنت. . ما بجلي كان عملت السبعة وقلبت الهوبه بقع بقع.. المهم وقع في الأولى وبعد شوية وقع في التانية
والتالته
والرابعة
الخامسه
السادسة
السابعة
التامنه
التاسعة
العاشرة قاشره..
بس نقطة نظام !
نخت خطين تحت #قاشره دي..
هنا مابتتعمل لكن ختوها..
كلهم ماشاءالله قاشرين نضيفين ودي حاجة حلوة انو الناس تكون مهندمه ونضيفه وتعاين ليهم نفسك تفتح..
لكن الشي الغريب انو دي ما القشرة  العاديه المعتادة. . يعني زمان كان في فرق بين القشره حقت الجامعة وحقت الشغل وحقت زيارة الاهل وحقت المناسبات والاعراس..
لكن القشره الحالية اللافه في الشوراع دي كلها بقت قشرة اعراس ومناسبات. .
انت زاتك لمن تحتار
معقوله بس في عرس 8 صباحاً؟!
O.o
ولا حنه الساعة 10 صباحاً ؟!
O.o
فهمتو قصدي صح ؟
.
اشكالهم وحده
لبسهم واحد
منظرهم واحد
لدرجه انو ممكن تشوف الوحدة في اليوم سبعة مرات و في سبعة اماكن مختلفه ..
دي صدف شنو عاد ؟!!
.
ياحليل اسكيرتي الجنز المرسوم فيو ميكي و ميمي..
و ياحليل العبايات المرسوم فيها باتمان :D
.
.
غايتو الزول العمل قماش الستاير ده اسكيرتات الله يجازي محنو و نشوف فيو يوم يا بركة الله ..
.
.
تخريمه : اخواني الشباب الاولاد والله لو ربيت شعرك ولا شخبطت راسك..
قشرت
وقمت
وقعدت
ياك زااااتك اصلو ما ح تتغير :)
.
.
.
محمد طارق | زول درويش.