من عجائب وغرائب الشعب الاسباني ..
.
.
تكون كاتمه فيك و تلقى زول يسالك كيف حالك؟
وانت بحسن نيه تقوم تحكي ليو عن حالك علي اساس هو يطبطب عليك و يخفف عنك..
ف يقوم هو يباغتك بالرد بتاعو يقول ليك انا اكعب منك 😑..
تقول ليو مصدع من امبارح!
يقول ليك انا مصدع لي اسبوع!!
تقول ليو تعبان و لي يومين ما نمت!
يقول ليك انا من يوم الجمعه الفاتت ما شفت النوم 😔
تقول ليو والله عندي التهاب معذبني كيف!
يقول ليك شفت الالتهاب ده ما بفارقني نهائي 😔!
.
😒😒😒😒😒
يا الطيب ده انا غلبان و بحكي ما خاشي معاك في منافسة،،
ده شنو ده! 😒
ياخي والله ما بتحدى فيك
اقسوم بالله ما بتحدى فيك
وحاتاسم الله ما بتحدى فيك 😑
خلاص اقول ليك حاجه!
انت فزت بالتحدي و انت الزيتك طاااالع و كلو عليك
🎉🎊🎉🎊🎉🎊🎉
و الف مبروك والله.
.
و الجائزة مقدمة من مستشفى النو عبارة عن درب سبعة ساعات.
.
و الشكوى ليك يا الله
و الشكوى ليك يا ربي ااااااااه.
.
.
محمد طارق | زول درويش.
ليست هناك تعليقات:
إرسال تعليق