امدرمان

#ام_درمان .
فخامة الاسم تكفي.. و التاريخ كفيل بأن يتحدث عنها.. .
ضجة الحياة
حركة السير
اصوات الحافلات
الركشات
المتاجر
و الأكشاك
المطاعم الشعبيه
والقديمة..
الاسواق الصغيرة وسط الاحياء.. اشجار النيم
دقن الباشا
و الحنه
تزين الشوراع و المنازل.. لها نكهة خاصة لن يعلمها سوى من قام فيها.. الجيره هي العائلة الكبرى و الحي هو المنزل الكبير.. الميادين
و عشاق كرة القدم..
النوادي.. سوق امدرمان
المحطة الوسطى..
.
لكل من يرى غير الجمال الذي يعتليها انت اذن لا تدرك  شئ عن لذة العيش بها .. من يظنون انها ذات جو حار و قاسي.. الحنان الذي ينبعث من حواريها و ملامح الحكمة المرسومة علي وجوه كبار السن كفيله بأن ترطب و تبرد القلوب.. من يظن انها مكتظة بالسكان.. هذا الاكتظاظ هو الحياة هو النبض.. فلا حياة في منطقة سكانها يوصدون علي انفسهم الأبواب ..و يخيم الصمت شوارعها.. و تكاد لا ترى ساكنيها ..
.
ام درمان هى تلك العاصمة الاثنى التى احبها الكثير من الناس ولم ترفض ان يحبها كل من احبها.. وكانت دائما مفتوحة الاحضان لكل عاشق
وكل محب
وكل ضائع
وكل مريض
وكل طالب علم
وكل طالب علاج من خارج الخرطوم.. ولذلك كانت احضان ام درمان هى الماؤى.. وهى الواحة والراحة لكثير من التائهين والهاربين من جحيم الحياة الصعبة وعدم توفر العمل ولقمة العيش فى الريف والاقاليم..
.
ام درمان انثى لها رائحة ومذاق وطعم ولون وحياء وغيرة.. بها شئ خاص لا تجده فى كل مدن السودان.. و تغنى لها الكثير من المطربين القدام و كتب فيها من الشعر اجمل اروع ما قيل.. .
و قال الشاعر والاستاذ الرائع : احـــمـــد الـــــفــــرجـــــــونـــــــــــى
انا ام درمان لسان حالك اريتك تدرى بى حالى
انا القدرت احوالك وحوبك تدرى اوحالى
اقوم بى اعظم الادوار
واكون ساحة لى الزوار
وابقى البقعا لى الاحرار
واغزل عزة السودان
امـــــــ انا ـــــدرمان
انا السودان انا الدرة البتزيد بلدى
انا البرعاك سلام وامان انا البهواك يا ولدى
انا امدرمان سليلت السيل قسمت الليل وبنت صباح
انا الولدونى بالتهليل وهلت فوقى غابه رماح
انا الــــ فى الشاطئ الغربى
سقوط غردون مها الحربى
انا النيل الطلب قربى
مزج بين كافت الالوان
امـــــ انا ــــدرمان
انا امدرمان انا الواحة ويج البسقى والعطشان
بروقى تضوى الواحة وتهدى السارب الضهبان
وردو وشدو فوق الناس
ونادو بقيت الاجناس
وبالتخدير بقيت مقياس
وبالتخدير بقيت ميزان
امـــــ انا ـــــدرمان
انا امدرمان نصرت الدين وكنت فدايه لى الاسلام
وروحو حولى ناس صادقين فداهم فى حياتى غرام
وزالو المبداء والفكرى
وقلدو اعظم الذكرى
ودخلو المدرسه الكبرى
ونالو شهادة الايمان
امــــــــ انا ـــــدرمان
انا امدرمان سقانى النيل رحيق العزه من كأسا
انا البى مجدو كنت دليل واية وحده لى ناسه.
.
#انا_امدرمان 💗
.
.
محمد طارق | زول درويش.