يلا زمان زماااان
وقت كنا في الأساس
زمن الحب بالجوابات
بنعرف انو في حاجه إسمها حب
وهو شعور بين ولد وبت
شعور جميل
إحساس طاهر..
إحساس كلو خجل..
الواحد بشوف بت عجبتو بقوم يكتب ليها جواب ..
فشنوو الجواب بتكون من كلام حلو وسطر سطرين شعر
وفي نهاية الجواب يرسم قلب فيو سهم 💘
ده كان توقيع كل المحبين وبين طرفي القلب بتكتب اول حرف من اسمك واول حرف من اسمها. .
و كانت الرسمة دي احلى شي في الجواب..
وشويه شويه بقت الجوابات بالرسائل القصيرة. .
وكنا بنستعين بكتاب اسمو
"أجمل رسائل الحب والغرام "
الكتاب ده 90% من الناس كان عندهم. .
الوقت داك كانت في بت عاجباني بتقرا معانا لكن اصلو ما لمحت ليها يوم جاني الهام كتبت ليها جواب وقطعت فيها شعر لاحظو انو الكلام ده في الأساس.. ورسمت القلب اب سهم وكتبت رقم تلفون بيتنا الثابت :D. . ورسلتو ليها مع صحبي. .بجاي بجاي الجواب وصل المدير وعمل لي استدعاء ومشيت قلت خلاص طردوني.. يلا شنو المدير شداها لي ونهاية كلامو قال لي اتصل علي اهلها نعرسها ليك ؟!!
هزيت راسي وقلت ليو لا ..
المهم من الحكاية جابت ليها عرس ماكتبت جواب تاني 😂😂😂
.
.
و كبرنا وكبرت أحلامنا و لقينا "الحب" ده عااالم تاني ما مجرد رسائل او كلام حلو او رسمة بريئة. .
.
.
محمد طارق | زول درويش
ليست هناك تعليقات:
إرسال تعليق