اسماء وهمية

حاجة ظريفه جدا في الفيس كل ما أكون مسخن وزهجان واشوف الحاجه دي اضحك وانسى اي شي وفي نفس الوقت بجيك احساس انك تقفل الفيس وما تخش تاني. .
.
والحاجة دي بتكون مرت علي الجميع بمختلف أنواعها وألوانها وأشكالها. .و بتختلف ردود الأفعال من زول لزول ومن مؤيد ومعارض ليها..
خلونا نعرف الحاجة دي شنو
.
-امونه العسوله
-مديونة للعذاب
-كريزي ولد
-هايس بت
-بيبا السمينه
-الفراش الحائر
-الفيل الضعيف
-الاسد النعسان
-اللورد برنجي
-مزنوق ومخنوق
-من الدنيا جاري
Ana crazy zoolانا واحد مجنون ساي-
Ana crazy girlانا وحده موهمه ساي-
lover boyالمسكين المكسر-
lover girlالمنفسنه بت-
Swagger boy مسواك ولد-
Swagger girl ام صلعه بت-
-منكوشه المنكوشه
-مديون للدكان
-طاشي شبكة
-مدي الدنيا شلوت
-سرحان ونعسان
-الشفت المطقطق
-نايم ونص الليل حايم
-الزريبه للخرفان..
.
نواصل ولا نكتفي بهذا القدر؟
غايتو اخر واحد ده اتسلبط قال الا يكتبو ماعارف علاقتو بالفوق شنو ؟!
شكلهم من فصيله وحده..
.
عليكم الله هسه دي اسامي ؟
ابوك تعب وجاب حق الخروف وضبحو ليك عشان تسمي روحك نايم ونص اليل حايم؟
سواري انت ؟
بالله ده كلام ياناس!!
والله احلى من اسمك مافى..
قصه صغيرة كده زمان وقت كنا في المدرسة الأستاذ لمن يضرب مثل باسمك بتتكيف وترفع راسك وتنفخ صدرك. . والعجب لمن يناديك باسمك كامل .. بجيك احساس انك تقول ليو "عليك الله يا أستاذ عيدو تاني  خليهم يسمعو"
...
ده كلووو كوم والنوع البسمي اسمو اسم غير كوم تاني..
ليه ياخ ؟!
هسه اسمك ده عيبو لي ..
مالك مغيرو؟!
ما عاجبك؟!
خجلان ؟!
وشنو البكا والنفسيات في الاسامي دي؟!
ياخ الأمة السودانية اكتر امه منفسنه بس خليها مكتومه ياصديقي وبالنيه زي مابقولو ..
وحكينا الكلام ده ليييييه ؟!
عشان نقدر اسمائنا ونفتخر بيها وتأكد انك في يوم من الأيام اسمك حيكون ليو اثر ومكانه .. ولمن اسمك يظهر في جريدة او تلفزيون او اي مناسبه حتقول للجمبك ده اسمي وده انا وانت مبسوط من نفسك :)
.
ودمتم سالمين :)
.
#محمد_طارق_زول_درويش