ﻭﻗﺎﺍﺍﺍﺍﻟﺖ ﺍﺣﺪﺍﻫﻦ ﻧﺎﺻﺤﺔ
ﻟﻠﺒﻨﺎﺕ
""ﻗﺎﻟﻮ ﺍﻟﻤﻐﺘﺮﺑﻴﻦ ﺟﺎﻳﻴﻦ ﺍﻟﺴﻮﺩﺍﻥ ﻟﻠﻌﻴﺪ ﺍﻯ ﻭﺍﺣﺪ ﻳﺪﺱ
ﺣﺒﻴﺒﺘﻮ ""
.
ﺧﺘﻲ ﺍﻟﻔﻲ ﻳﺪﻙ ﻭﺭﻛﺰﻯ ﻣﻌﺎﻯ :
1- ﻟﻮ ﻋﻨﺪﻙ ﺣﺒﻴﺐ ﻭﻻ ﻧﻮﻋﻴﺔ ﺍﻟﻌﺎﻣﻞ ﺻﺤﺒﻚ ﻭﻣﺎ ﻓﺎﻫﻤﻪ ﻟﻴﻪ ﺭﺍﺱ
ﻣﻦ ﻗﻌﺮ ﺩﺍﻙ ، ﻃﻮﺍﺍﺍﻟﻰ ﺯﻯ ﺍﻟﺸﺎﻃﺮﻩ ﻛﺪﺍ ﻓﺘﺸﻲ ﻟﻴﻚ ﺷﻜﻠﻪ
ﻣﻌﺎﻫﻮ ﻭﺩﻣﻌﺘﻴﻦ ﺗﻼﺗﻪ ﻗﻮﻟﻲ ﻟﻴﻪ ﺍﻧﺎ ﺣﺎﺳﻪ ﺍﻧﻨﺎ ﻣﺤﺘﺎﺟﻴﻦ ﻧﺒﻌﺪ ﻣﻦ
ﺑﻌﺾ ﺣﺒﻪ ﻋﺸﺎﻥ ﻧﻘﻴﻢّ ﺍﻟﻌﻼﻗﻪ ﺩﻯ (ﺭﻛﺰﻯ ﻋﻠﻰ ﻛﻠﻤﺔ ﺣﺒﻪ ﻋﺸﺎﻥ
ﻟﻮ ﺍﻟﻘﺼﻪ ﻓﺸﻠﺖ ﻳﺎﺧﺘﻰ ﻣﺎ ﺗﻜﻮﻧﻰ ﺩﻗﺴﺘﻰ ﻭﺗﺠﻲ ﺗﺪﻋﻰ ﻋﻠﻰ ﺍﻧﺎ
ﻛﻠﻤﺘﻚ )
2- ﺟﻴﺒﻲ ﻭﺭﻗﻪ ﻭﻗﻠﻢ ﻭﺳﺠﻠﻲ ﻣﻮﺍﻋﻴﺪ ﺭﺣﻼﺕ ﺍﻟﻄﻴﺮﺍﻥ ﻭﺭﻛﺰﻯ
ﻋﻠﻰ ﺍﻟﻘﻄﺮﻳﻪ ﻭﺍﻻﺗﺤﺎﺩ ﺑﺎﻟﻜﺘﻴﺮ ﺍﻟﺨﻠﻴﺠﻴﻪ ﺍﻭﻭﻭﻋﻚ ﻣﻦ ﻧﺎﺱ ﻃﻴﺮﺍﻥ
ﺍﻟﻌﺮﺑﻴﺔ ﻭﻓﻼﻱ ﺩﺑﻲ ﺩﻳﻞ ﻭﺍﺣﺪ ﻣﻦ ﺍﺗﻨﻴﻦ ﻳﺎ ﻣﻔﻠﺴﻴﻦ ﻳﺎ ﺑﺨﻴﻠﻴﻦ،
ﻓﻠﺲ ﻟﻲ ﻓﻠﺲ ﺍﺧﻴﺮ ﻟﻴﻚ ﻓﻠﺲ ﺍﻟﻨﺬﻳﺮ ﺳﻮﺍﻕ ﺍﻟﺮﻛﺸﻪ ﺍﻟﺴﺎﻛﻦ ﻓﻲ
ﺍﻟﺸﺎﺭﻉ ﺍﻟﻘﺼﺎﺩﻛﻢ .
3- ﺑﻜﺮﻩ ﻣﻦ ﺍﻟﺪﻏﺶ ﺧﺸﻲ ﻓﻲ ﺍﻻﺳﻜﻴﺮﺕ ﺍﻟﺠﺪﻳﺪ ﻭﺑﻠﻮﺫﺗﻚ
ﺍﻟﺪﺍﺳﺎﻫﻢ ﻣﻦ ﺍﺧﺘﻚ ﻋﺸﺎﻥ ﺗﻼﻗﻲ ﺑﻴﻬﻢ ﺍﻟﺠﻜﺲ ﻓﻲ ﺣﺒﻴﺒﻲ ﻣﻔﻠﺲ
ﺩﻳﻚ ﻭﻋﻠﻰ ﺍﻟﻤﻄﺎﺭ ﻋﺪﻝ .
-4 ﺍﻭﻋﻰ ﺗﺨﺘﻰ ﻓﻲ ﺑﺎﻟﻚ ﻭﺩ ﺟﻴﺮﺍﻧﻜﻢ ﺍﻟﺠﺎﻯ ﻣﻦ ﺩﺑﻲ ﻭﻻ ﻭﺩ
ﻋﻤﻚ ﺍﻟﻔﻲ ﺍﻟﺴﻌﻮﺩﻳﺔ ﻛﺎﻥ ﺩﺍﻳﺮﻙ ﻛﺎﻥ ﻛﻠﻤﻚ ﻣﻦ ﺯﻣﺎﻥ ﻣﺎ ﻛﻨﺘﻲ
ﻟﻰ ﺍﺳﻲ ﺑﺎﻳﺮﻩ ﻭﻛﺎﻥ ﺍﻟﻠﻪ ﺍﺭﺍﺩ ﻭﻓﻜﺮ ﻓﻴﻚ ﺑﺘﻠﻘﻲ ﺍﻟﻤﻨﺎﻓﺴﻪ ﺷﺮﺳﻪ
ﻣﻦ ﺑﻨﺎﺕ ﺃﻫﻠﻚ ﻭﺑﻨﺎﺕ ﺍﻟﺠﻴﺮﺍﻥ ﻭﻛﺎﻥ ﺣﺼﻞ ﻭﻋﺪﻳﺘﻲ ﻣﻦ ﺩﻭﺭﻱ
ﺍﻟﻤﺠﻤﻮﻋﺎﺕ ﻭﺻﻠﺘﻰ ﺍﻟﻨﻬﺎﺋﻲ ﻭﻋﺮﺳﺘﻰ ﺍﻭﻝ ﺷﻜﻠﻪ ﻳﺬﻛﺮﻙ ﺑﻲ
ﻣﺎﺿﻴﻚ ﺍﻟﻬﻮ ﻋﺎﺭﻓﻮ ﻭﺣﺎﻓﻈﻮ ، ﺍﻟﻌﺒﻲ ﻓﻲ ﺍﻟﻤﻀﻤﻮﻥ ﺑﺎﺑﺖ ﺍﻣﻰ ،
ﺍﻟﻐﺮﻳﺐ ﻻ ﻋﺎﺭﻑ ﻟﻮﻧﻚ ﺍﻷﺧﺪﺭ ﺍﻟﻔﺴﺨﺘﻰ ﺑﺎﻟﻜﺮﻳﻢ ﻻ ﺷﺎﻓﻚ ﺑﺎﻟﺘﻮﺏ
ﻭﺍﻟﺴﻔﻨﺠﻪ ﺍﻟﺨﺪﺭﻩ ﻣﻨﺘﻈﺮﻩ ﺳﻴﺪ ﺍﻟﻠﺒﻦ ﺑﻲ ﺍﻟﺒﺴﺘﻠﻪ .
5- ﺍﺑﻌﺪﻯ ﻣﻦ ﻧﺎﺱ ﺃﻭﺭﻭﺑﺎ ﻭ ﺍﻣﺮﻳﻜﺎ ﺍﻭﻋﺎ ﺗﺘﻐﺸﻲ ﻓﻴﻬﻢ ﺍﻟﻮﺍﺣﺪ
ﺗﺸﻮﻓﻴﻬﻮ ﻗﺎﺷﺮ ﺗﻘﻮﻟﻲ ﺷﻐﺎﻝ ﻣﻊ ﺍﻭﺑﺎﻣﺎ ﺯﺍﺗﻮ ﻓﻲ ﺍﻻﺧﺮ ﻳﻄﻠﻊ
ﺑﻐﺴﻞ ﻋﺪﻩ ﻓﻲ ﻣﻄﻌﻢ ﻭ ﺩﺍﻳﺮ ﻳﺴﻮﻗﻚ ﺗﺮﻏﻲ ﻟﻰ ﺍﻟﺼﺎﺑﻮﻥ .
6- ﺍﺑﻌﺪﻯ ﻣﻦ ﺍﻟﺒﺠﻰ ﺷﺎﻳﻞ ﺷﻨﻂ ﻛﺘﻴﺮ ﺩﺍﻙ ﻣﺎ ﻳﻐﺸﻚ ﺗﻘﻮﻟﻲ ﺩﺍ
ﻣﻘﺮﺵ ﺟﺎﻯ ﻣﻠﻴﺎﻥ ﻫﺪﺍﻳﺎ ، ﺍﻟﺰﻱ ﺩﺍ ﺗﻠﻘﻲ ﺍﻣﻮ ﻧﺠﺎﺍﺍﺍﺿﻪ ﻭﺍﺧﻮﺍﺗﻮ
ﺷﻴﺎﻻﺕ ﺣﺎﻝ ﻭﻃﻠﺒﺎﺗﻬﻢ ﻛﺘﻴﺮﻩ ﺗﻌﺮﺳﻴﻬﻮ ﺍﻟﺤﺒﻪ ﻣﺎ ﺑﺘﻠﻘﻴﻬﺎ ﻣﻨﻮ ﻛﻠﻬﺎ
ﻟﻰ ﺃﻫﻠﻮ ..
-7 ﺍﻭﻝ ﻣﺎ ﺗﻘﺒﻀﻲ ﻓﻲ ﻭﺍﺣﺪ ﺍﺳﺄﻟﻴﻬﻮ ﺍﺟﺎﺯﺗﻚ ﻛﻢ ؟ ﻛﺎﻥ ﻃﻠﻌﺖ
ﺍﻛﺘﺮ ﻣﻦ ﺷﻬﺮ ﺷﻴﻠﻲ ﺳﻔﻨﺠﺎﺗﻚ ﻭ ﺍﺟﺮﻯ ﻣﻨﻮ ﺍﻭﻭﻭﻋﻚ ﺩﻳﻞ ﺍﻟﻨﻮﻉ
ﺍﻟﺒﻘﻌﺪﻭ ﻫﻨﺎ 6 ﺷﻬﻮﺭ ﻭﻳﺴﺎﻓﺮ 6 ﺷﻬﻮﺭ ﺗﻌﺮﺳﻴﻬﻮ ﻳﺮﻣﻴﻚ ﻫﻨﺎ
ﺍﻗﺎﻣﻪ ﻣﺎ ﺑﻄﻠﻌﺎ ﻟﻴﻚ ﻗﻌﺎﺩ ﻟﻲ ﻗﻌﺎﺩ ﻳﺨﺘﻰ ﺍﻗﻌﺪﻯ ﻓﻲ ﺑﻴﺖ ﺍﺑﻮﻙ .
8- ﺭﺟﺎﻝ ﺍﻟﻨﺴﻮﺍﻥ ﺍﺧﺘﻴﻬﻢ ﺑﻨﻠﻌﺐ ﻋﻠﻰ ﻧﻀﺎﻓﻪ ﺇﺣﻨﺎ ﻣﺎﻟﻚ ﻭﻣﺎﻝ
ﺍﻟﻔﻀﻠﻪ ﻭﺍﻟﻀﺮﻩ .
"""ﻭﺍﻧﺎ ﻏﻴﺮ ﻣﺴﺆﻭﻟﻪ ﻋﻦ ﺍﻯ ﻣﻘﻠﺐ ﺗﺎﺧﺪﻳﻬﻮ ﻣﻦ ﻭﺍﺣﺪ ﻋﺪﺍ ﺍﻝ
8 ﻧﻘﻄﻪ ﺩﻳﻞ ، ﺍﺻﻠﻮ ﺍﻟﻤﻮﺿﻮﻉ ﺩﺍ ﺩﺍﻳﺮ ﻣﻊ ﺍﻟﺸﻄﺎﺭﻩ ﺍﺣﺴﺎﺱ ﻟﻮ
ﻣﺎ ﻋﻨﺪﻙ ﺍﺣﺴﺎﺱ ﻣﺎ ﺗﺠﺎﺯﻓﻲ """
.
.
.
ﻭ ﺷﺨﺼﻲ ﺍﻟﻀﻌﻴﻒ ﺑﻘﻮﻝ ﻧﺎﺍﺍﺍﺻﺤﺎ ﻟﻸﻭﻻﺩ . .
ﻳﻼ ﻳﺎﻣﻌﻠﻤﻴﻦ ﺭﻛﺰﻭ ﻣﻌﺎﻱ ﺷﻮﻳﺘﻴﻦ ...
.
-1 ﺣﺒﻴﺒﺘﻚ ﻟﻮ ﺑﻘﺖ ﺗﻜﺘﺮ ﻛﻼﻣﻬﺎ ﻭﺗﻠﻒ ﻭﺗﺪﻭﺭ ﺯﻱ ﺍﻟﺴﺎﻗﻴﻪ ﺳﻴﺒﻬﺎ
ﻓﻲ ﺣﺎﻟﻬﺎ ﻃﻮﺍﻟﻲ .. ﻣﺼﻴﺮﻫﺎ ﺭﺍﺳﻬﺎ ﻳﻠﻒ ﻭ ﺑﺮﺩﻟﺐ ﺗﻘﻊ ..
ﻭﺍﺻﻠﻮ ﻣﺼﻴﺮ ﺍﻟﺤﻲ ﻳﻌﻮﺩ ..
-2 ﺍﺧﻮﻱ ﺍﻟﻤﻐﺘﺮﺏ ﺇﺣﺬﺭ ﺛﻼﺙ :
- ﺍﻡ ﺗﻼﺗﻪ ﺍﻟﻮﺍﻥ .. ﻭﺩﻱ ﻏﺎﻟﺒﺎً ﻣﺎﺗﻜﻮﻥ ﻣﺴﺘﻌﻤﻠﻪ ﻣﺒﻴﺪﺍﺕ ﻋﺸﺎﻥ
ﺗﻈﺒﻂ ﻟﻮﻧﻬﺎ .. ﻭﺑﺘﻜﻮﻥ ﻋﺎﻣﻠﻪ ﺯﻱ ﺗﻠﻔﺰﻳﻮﻥ ﺍﻟﺨﺸﺐ ﺍﻟﺰﻣﺎﺍﻥ ﺩﺍﺍﺍﺍﻙ ..
ﻗﺪﺭ ﻣﺎ ﺗﺤﺎﻭﻝ ﺗﻈﺒﻂ ﻟﻮﻥ ﺍﻟﺸﺎﺷﻪ ﺗﺮﺟﻒ ﻭ ﺑﺘﻔﺮﻕ ﻣﻌﺎﻙ ..
- ﺍﻡ ﻟﺴﺎﻥ ﻃﻮﻳﻞ . . ﻭﺩﻱ ﺑﺘﺸﻴﻞ ﺣﺎﻟﻚ ﻭﺗﺎﻛﻠﻚ ﺍﻟﺴﺨﻴﻨﻪ ﺑﻼ
ﻋﻴﺶ ..ﻭﺗﺸﺮﺑﻚ ﺍﻟﺸﺎﻱ ﺑﻼ ﺳﻜﺮ .. ﻭﻏﺎﻟﺒﺎً ﻟﻤﻦ ﻛﺎﻧﺖ ﺻﻐﻴﺮﺓ ﺑﻨﺎﺩﻭﻫﺎ
ﻣﺤﻤﺪ ﻭﻟﺪ ..
- ﺍﻟﺒﺘﺤﻀﺮ ﺯﻱ ﺃﻟﻮﺍﻥ . . ﺩﻱ ﻛﻤﺎﻥ ﺣﺘﻠﻮﻥ ﺣﻴﺎﺗﻚ ﺗﻠﻮﻳﻦ .. ﺯﻱ ﺩﻱ
ﺍﺧﺘﺎﻫﺎ .. ﻛﺎﻥ ﺳﻠﻤﺖ ﻋﻠﻴﻬﺎ ﺗﺒﻜﻲ ﻋﻨﺪﻫﺎ ﻣﺎﺳﻮﺭﺓ ﻣﺤﻠﻮﺟﻪ ..
ﻃﻮﺍﻟﻲ ﻓﻲ ﺣﺎﻟﺔ ﺩﻣﻮﻉ ﻭﺑﻜﺎ .. ﻣﺸﺎﻋﺮ ﻭﺃﺣﺎﺳﻴﺲ ﺟﻴﺎﺷﻪ ﻟﺪﺭﺟﺔ
ﺍﻷﺣﺎﺳﻴﺲ ﺍﺗﺒﺮﺕ ﻣﻨﻬﺎ ﻭﻗﺎﻟﺖ ﺍﻟﺮﻭﺏ ..
-3 ﺍﺧﻲ ﺍﻟﻤﻐﺘﺮﺏ ﺭﻛﺰ ﻋﻠﻰ ﺛﻼﺙ :
ﺇﺫﺍ ﺑﻬﻤﻚ ﺍﻟﻠﻮﻥ ﻑ ﻋﻨﺪﻙ ﻭﺍﺣﺪ ﻣﻦ ﺗﻼﺗﻪ ..
-ﺍﻟﺤﻠﺒﻴﻪ ﻟﻮﻧﻬﺎ ﺍﺻﻔﺮ ﻭﻏﺎﻟﺒﺎً ﺑﺘﻜﻮﻥ ﺑﺘﺎﻋﺖ ﻣﺸﺎﻛﻞ ﺍﻭ ﺑﺘﺤﺐ
ﺍﻟﺴﻴﻄﺮﻩ ﻋﻠﻲ ﺍﻟﻌﺎﻟﻢ ﺃﻗﺼﺪ ﺗﺴﻴﻄﺮ ﻋﻠﻲ ﺍﻟﻮﺿﻊ .. ﻭ ﻋﺎﺩﻱ ﻣﻤﻜﻦ
ﺗﻐﺰ ﻟﻴﻚ ﻛﻮﻋﻬﺎ ﻓﻲ ﻧﺼﻚ ﺍﻧﺖ .. ﻭ ﺑﺘﻠﻌﺐ ﻓﻲ ﺍﻻﺗﺠﺎﻫﻴﻦ . .
- ﺍﻡ ﻟﻮﻧﺎ ﺍﺳﻤﺮ ﻭﺍﻧﺎ ﻓﻴﻮ ﺑﺘﻜﺴﺮ ﺩﻱ ﺑﺘﻜﻮﻥ ﻫﺎﺩﻳﻪ ﻭﺭﺯﻳﻨﻪ ﻭﺳﺖ
ﺑﻴﺖ ﻭﺗﻌﺎﻳﻦ ﻟﻴﻬﺎ ﺳﺎﻱ ﻧﻔﺴﻚ ﺗﻨﻔﺘﺢ ..
- ﺍﻡ ﻟﻮﻧﺎ ﺍﺧﺪﺭ .. ﺳﻤﺤﻪ ﺍﻟﺨﺪﺭﻩ ﻟﻤﺎ ﺗﺮﻭﻕ ﺍﻱ ﻟﻮﻥ ﺗﺎﻧﻲ
ﻣﺤﺮﻭﻕ .. ﻭﺩﻱ ﻣﺎﺷﺎﺀﺍﻟﻠﻪ ﻋﻠﻴﻬﺎ ﻏﺎﻟﺒﺎ ﺑﺘﻜﻮﻥ ﻣﺜﻘﻔﻪ ﻭﻋﻨﺪﻫﺎ
ﻃﻤﻮﺣﺎﺕ ﻭﺍﺣﻼﻡ ﻭﺭﻓﻮﻑ ﻭ ﺩﻭﺍﻟﻴﺐ .. ﻣﻤﻜﻦ ﺗﺨﻄﻂ ﻣﻌﺎﻙ ﺗﺸﺎﺭﻛﻚ
ﺣﻴﺎﺗﻚ ﺍﻟﻌﻤﻠﻴﻪ ﻭﺗﻜﻮﻥ ﻳﺪﻳﻚ ﺍﻟﻔﻲ ﺍﻟﻨﺺ ..
-4 ﺍﺧﻮﻱ ﺍﻟﻤﻐﺘﺮﺏ ﻟﻮ ﺟﺎﻱ ﺗﻌﺮﺱ ﻭﻋﻨﺪﻙ ﺣﻖ ﺍﻟﻌﺮﺱ ﻣﺎ ﺗﻬﺒﺶ
ﺣﻖ ﺍﻟﻨﺎﺱ ﻻﻧﻮ ﺣﻖ ﺍﻟﻨﺎﺱ ﻛﻨﺎﺱ .. ﻭﺷﻮﻑ ﺍﻟﺸﻮﺍﻏﺮ ﻭﺍﺑﻌﺪ ﻋﻦ
ﺍﻟﺸﺮ ﻭﻏﻨﻴﻠﻮ .. ﻭ ﺯﻱ ﻣﺎ ﺍﻧﺖ ﺩﺍﻳﺮ ﺗﺒﻨﻲ ﺍﺣﻼﻣﻚ ﻭﻣﺴﺘﻘﺒﻠﻚ ﻓﻲ
ﻏﻴﺮﻙ ﻋﻨﺪﻭ ﻧﻔﺲ ﺍﻟﻄﻤﻮﺡ ﻭ ﺍﻛﺘﺮ ﻋﻠﻴﻚ ﺑﺲ ﻟﺴﻪ ﺍﻣﻮﺭﻭ ﻣﺎ
ﺍﺗﺴﻬﻠﺖ ..
-5 ﺍﺧﻮﻱ ﺍﻟﻐﻴﺮ ﻣﻐﺘﺮﺏ ﻭﻗﺎﻋﺪ ﻣﻌﺎﻧﺎ ﻓﻰ ﺍﻟﺒﻠﺪ ﺍﻟﺴﻤﺤﻪ ﺩﻱ ﻭ
ﻣﻘﻀﻴﻬﺎ ﺣﺒﻴﺒﻲ ﻣﻔﻠﺲ ﻭﺣﺒﻴﺒﻲ ﺧﺮﻭﻑ ﻭ ﺗﻮﺗﻲ ﻓﻲ ﺍﻟﺼﺒﺎﺡ ..
ﺯﻭﻟﺘﻚ ﺩﻱ ﺭﺍﺟﻴﺎﻙ ﺍﻣﺸﻲ ﻭﺧﻠﻴﻚ ﺯﻱ ﺍﻟﻌﺒﺪﻟﻠﻪ ﺍﻋﻘﺪ .. ﺍﻗﺼﺪ ﺍﺧﻄﺐ
ﻭﺍﺣﻔﻆ ﺣﻘﻚ ﻋﺸﺎﻥ ﺍﻟﻔﺎﺱ ﻣﺎ ﻳﻘﻊ ﻓﻲ ﺍﻟﺮﺍﺱ ﻭ ﺑﻌﺪﻳﻦ ﺗﺠﻲ
ﺗﻐﻨﻲ ﻏﻨﺎﻭﻱ ﺍﻟﺤﺴﺮﺓ ﻭﺍﻻﺳﻒ ﺍﻟﻄﻮﻳﻴﻴﻴﻞ .. ﻭ ﺗﻘﻠﺐ ﻟﻴﻨﺎ ﺯﻳﺪﺍﻥ "
ﻓﻲ ﺍﻟﻠﻴﻠﺔ ﺩﻳﻴﻴﻴﻚ ﻻ ﻫﺎﻥ ﻋﻠﻲ ﺃﺭﺿﻰ ﻭﺍﺳﺎﻣﺤﻚ ﻭﻻ ﻫﺎﻥ ﻋﻠﻲ
ﺍﻋﺘﺐ ﻋﻠﻴﻚ .."
.
ﻭﻟﻜﻞ ﻗﺎﻋﺪﺓ ﺷﻮﺍﺫ . .
.
ﻭﺩﻣﺘﻢ ﻣﺴﺘﻤﺘﻌﻴﻦ .
.
.
ﻣﺤﻤﺪ ﻃﺎﺭﻕ | ﺯﻭﻝ ﺩﺭﻭﻳﺶ .
ليست هناك تعليقات:
إرسال تعليق