#من_غرائب_وعجائب_الفيسبوك
.
.
بستغرب في حكاية انو الواحد يكتب لوحده في صفحتها شكراً يا عسل علي قبول الصداقة o.O
وتلقاو فرحان كانو جاو اللوتري
و في النوع البنزل الصور الوهمية الكلها ورود و شفع و كلام كده رومانسى وما عارف شنو داك o.O
وفي النوع الغياظ غيظآ شديداً البكتب
#ممكن_نتعرف ؟!!
لاحظو انو ده في الحائط
يعني في الخاص حيكون قلب هوبه.. هو لكن قالو كدي ؟!
عاد بعملوها كدي ؟!
نان بسوها كدي ؟! O.o
.
و اظرف مافي الموضوع انو تلات ارباع الحسابات دي اولاد مسجلين بإسم بت و خاتي ليو صورة بت حلوه كده
وعينك ما تشوف الا التلج..
مفروض يدقوا لافته تقول
#هنا_يباع_الثلج
والله صحي ..
مرات بتجذبك صفحات زي دي من تخش تضحك لحدي ما تطلع ..
ده كلو كوم و البتلقى صفحتها كلها
صباح الخير
نهاركم سعيد
مساء الخير
تصبحوا ع خير..
و التعاليق ما تديك الدرب
كوم تاااااني..
.
.
غايتو مفروض نكون الدولة الثانية عالمياً بعد مصر طبعا في تصدير التلج ..
.
تخريمه :
مدام الرزق مقسوم..
كسير التلج ماليو لزوم..
.
.
#محمد_طارق_زول_درويشً
ليست هناك تعليقات:
إرسال تعليق