ماسورة 2

#‏ماسورة_2‬
.
العبدلله بعد ما حبيبتو باعتو وقرر يغترب بقي يلقط في القروش عشان يسافر ..
اها عندو صحبو مسلط كده جاو قال ليو انا بعرف لي وكالة ظابطه.. عندهم فيز حرة ،
فيزة سواق ،
راعي ،
ترزي زاتو لو داير في .. بس شنو بتكلف شوية لملم قروشك وتعالني بنجز ليك ..
.
العبدلله اتوكل و دفع القروش و قطع تزكرتو.. الوقت داك كان خط سودانير شغال ..
هسه نقلوهو موقف شروني جمب الناس الببيعو عصير ليمون !! ..
اها العبدلله قال لا وطن يلمو
ولا حبيبة تضمو أحسن يتوكل..
.
جا يوم الوداع .. يشيل ويودع في الناس ..
كمل دموعو جت !
مواعيدو جات ساقوهو المطار .. الجماعة سلمو عليو و ودعوهو ورجعو البيت خلاص زولهم ساب البلد ..
.
.
.
بعد تلاته ساعات الباب دقه .. فتحو الباب لقوهو العبدلله !
يازول مالك !
الجابك شنو !
ان شاءالله خير !
العبدلله مكسوف وجاري ازيال الخيبه وراو ..
عاين ليهم كده وقال ليهم : السفرية تأجلت !
الجماعة مستغربين .. لاحول الله ! مش انت قاطع بالسودانية ؟!
قال ليهم ايوه ..
طيب والحصل شنو ؟!
.
العبدلله قعد وشال نفس طويييل و قال :
.
.
.
.
.
.
"قالو الطيارة لو ماشحنت ركاب ما بتتحرك ! الفرده بتفرق معاهم !! "..
.
.
تمت.
.
.
محمد طارق | زول درويش.