#بيت_العزابه
العزابه هم مجموعة من الشباب ساكنين مع بعض في منزل واحد..
و عملو كده نسبتا لبعدهم عن منازلهم
او جامعاتهم
او مكان عملهم..
يلا البيت ده عندو مميزات عن بقية البيوت. .
- الأبواب والشبابيك مفتحه طبيعي
- مابجيهم حرامي ولو جا الا يكون قرر يعتزل السرقه وداير ياخد درس عمرو ما ينساو.. شي شطه وشي غسيل وشي ... كده مامعروف جنسو شنو..
- من تدخل ما بتقدر تفرز بين الفراغات الداخلية يعني تخش الاوضه تلقاها مطبخ تدخل المطبخ تلقاو اوضه راسك يلف.
- الغرف زي عنابر المستشفيات. - هدوم مشروره في اي مكان.. في يدين السارير
ابواب البيت
الحبال ..
وما تديك الدرب. .
- واحد خاتي حجر جمب الباب وبخلط.
- واحد قاعد تحت الشجره الجمب البيت بعمل لصحبو في قطعيات وحلاقه.
- واحد خاتي طشت في نص الحوش وشغال شطف وغسيل و اه ونص.
- الكوبس الواحد موصل فيو 17 موبايل بشحن.
- مافي تلفزيون ولو في بستخدم كمنصه لوضع الامشاط والفازلين.
- البيت طوالي مبخر ب السجائر لمن جاو التهاب رئوي في العرش حقو..
- البيت الوحيد البكون شغال دوريتين في الحلة دورية صباح و دورية مسا. - لا يخلو من الضحكات و القفشات. - والكشاتين والضمنه مدوره للصباح .
وأخيرًا وليس آخرا لا يخلو من الطيبة و الإبتسامة 😊
.
.
محمد طارق | زول درويش.
ليست هناك تعليقات:
إرسال تعليق