اسماء في حياتنا

#أسماء_في_حياتنا
.
أكتر برنامج علي مر التاريخ السوداني استهلك كمية من المشاهير..
كان بتعرض كل جمعة وضيف الجمعة دي الجمعة البعديها بكون سلم ورقو و انتقل الي الرفيق الأعلى. .
برنامج زي شارع الخرطوم مدني.. يومي بشيل ناس..وده أسبوعي بشيل واحد. .عامل كده زي جنيه الجمعة !
الظريف قالو ليك عمر الجزلى مقدم البرنامج طلب من كمال ترباس انو يعمل معاو حوار.. يازول قال ليك ترباس سكلب وجقلب..
هووي ياعمر خت شخيت واقييف بعيد.!
هوووي
وتاني هووي
والتالته للجيران!!..
كلامك ده ما بنفع معاي !!.. بطل الهظار البايخ ده !!..
ياخي انا لسه وشي ناير مالك علي ؟!!.
.
وقيل انو ليوم الليلة ترباس و عمر ما بتلاقو ولو في مناسبة اجتماعية ترباس شاف عمر بقتل ملف ويربط عمتو في وشو بدل راسو..
.
غايتو كان برنامج ظريف والله بس عيبوووو
عيييبو !
وختو تحتها سبعة خطوط مدرجة للاصغر
عيبو انو ما كان بستضيف ال...... ركز مع ناس الفن وخلا ناس ال......
بس ده عيبو..
والله يجازي الكان السبب
هسه كان ريحنا ياخ وعملنا حفلة تنصيب تذكااارية
للبرنامج طبعاً
و اجزنا بدل الثلاثاء !
الأربعاء
والخميس
والجمعة
والسبت
والأحد
والاثنين
ورمضان
و للمولد
و الفلنتاين
و شم النسيم
ياخي كان باقي عمرنا كلو إجازة !
.
يس قدر الله ماشاء فعل .
.
كلنا معآ لإنشاء برنامج
#تماسيح_في_حياتنا
بقيادة عمر الجزلي
ويتم عرضه على قناة ناشونال جيوغرافيك
فقرة الحياة البرية.
.
و إجازة سعيدة .
.
.
محمد طارق | زول درويش.