وقفة

طيب في حاجات كتيره مفروض الناس تقيف عندها
اول شي ارتفاع الرسوم الدراسية في الجامعات .. يعني الماعندو ما يقرا !!
او مد كراعك قدر لحافك !!..
ولا الفهم شنو ؟
و هو زاتو الجامعات بقت خشم بيوت و ياحليل التعليم . .
تاني شي الطلبه البقو يمشو داعش .. فشنو !
الناس دي مالها !
حاسين بشنو !
يعني اهلك تعبانين فيك اكتر من 20 سنه و دافعين ليك 150 مليون عشان فجأة كده تختفي ويسمعو بيك في داعش !
داير تنصر الإسلام ماشي بعيد مالك ؟!
الحكاية أقرب مما تتخيل.
و ناس أمدرمان الإسلامية والقرآن الكريم موقفكم شنو من الحاصل ده؟! مسكين ابيض اللون ..
.
تالت شي رداءة الإتصالات والشبكات بصورة كعبه كعبه كعبه كعبه الي ما لا نهاية..
عارفين انو السودان من اوائل الدول الأستخدمت الألياف الضوئية في الإتصالات و السودان كان مصنف من افضل الدول وربما أولها في مجال الاتصالات !!
طيب مش مفروض نتطور من الوقت داك بدل نمشي خطوة لقدام نرجع ميه لورا !!
اريبا كانت افضل شبكه في أفريقيا
موبيتل اي مكان اي زمان فخامة الشعار تكفي ..
سوداتل و الخطوط الثابته الأحدثت ضجة علي مستوي أفريقيا و الشرق الأوسط ..
أين نحن من ذلك !
.
حاجه مؤسفة شديد كل يوم يطلع شي اكعب من القبلو ..
.
اللهم جنب بلادي الفتن ما ظهر منها وما بطن
اميييييين .
.
.
محمد طارق | زول درويش.