هترشه

#هترشه !
.
من جيت البلد دي لاقوني كلبين
واحد سايقو اجنبي و بتمشى و جاريو معاو..
والتاني سايقاو اجنبيه .. لكن ما اجنبيه هي !
رابطه الشعر ضنب حصان و ديك يا الجكه و داك يا الشورت ..
لكن الكلب عجيب !
كلب عيينه !
حاجه كده يفتح النفس ..
قصدي الكلب ما شي تاني. .
اها عندهم كميه من الكدايس ما فاضيه ل بورتسودان ..
كل كورنه تلقى اتنين قاعدات .. تهش الوحده تعاين ليك من فوق لتحت
وعادي تتوقع ترد ليك " وش تبي ؟! " وتمشي و تتقدل..
كدايس شبعانه ليها حق عادي ممكن تربط معاك بنيه ..
اها في الكترة زي الهنود واحد
في كل زاوية تلاته ..
واحد ماسك تلفونو وبرطن
واتنين بتونسو مع بعض بلغة "الرأس"
اي عندهم لغة كده براسهم
تلقاو بتكلم و بهوزز راسو
الراس يتحرك يمين شمال زي الكلب الكان بختوهو في طبلون العربيه ..
وفي الونسه يحركو مرتين
داك يرد ليو بتلاته حركات
اها شغالين كده
زي شفرة موريس
تيت تريت تت تررت تيت ترريت
الشعب الوحيد الما بجيو وجع رقبه !
و الحوار معاهم حوار من اتجاه واحد ..اتجاهم هم..
لا لامين في انجليزي عشان تتكلم معاهم ولا لامين في عربي عشان تشرح ليهم..
ادقس وتكون رايحه ليك حاجة وتعال اسألو
جواب واحد ما بزيدو " مافي معلوم"
خلاص انت تقنع وتشوف ليك زول تاني يفهمك. .
.
.
الأيام الأولى بجيك وجع لسان من اللخبطه لكن بعداك عادي .. .
صديق انت في معلوم ؟! .
.
.
محمد طارق | زول درويش.