#العاب_الماضي
.
.
اكتر شي كان بميزنا عن بقية اطفال العالم هو الألعاب الكنا بنلعبها ونحن مغبشين و منكشين ..
و اللمه بعد العصر
وبعد المغرب
وضو القمر منور المكان
و الكهربا تقطع
ونطلع كلنا برا
ونبدأ نلعب العابنا
زي ....
الفات الفات في يدينو سبعه لفات
والجبه وقعت في البير
وصاحبها واحد خنزير..
والعسكر واقف طابور
ياجماعه سلو القمبور..
عم علي بياع الزيت
ساق مرتو وداها البيت
وفي البيت عامل زعلان
وحسابو عند الدكان
وفي البمبر وقع اتشنقل..
يا ارنب نط ترانبه نط ..
أحمد غايب في الركايب
جانا كلب سنونو صفر
حلب الناقه وقال شنقاقه..
ون تو ثري لندن
حركه حركه استوب
نمله نخله
نخله نمله..
سكج ؟
بكج !
يجي؟
يجي !
حلو ؟
مانجلو ..
شليل وينو ؟
اكلو الدودو
شليل وين راح ؟
اكلو التمساح
شلله وراااح..
كم في الخط ؟
هولبلب
شد واركب..
الحجلة
و ام خمستاشر
و الميس
و البمبه
و بب ببو عشره عشرين تلتين أربعين خمسين ستين سبعين تمنين تسعين مييه
نطو علينا حراميه
سرقو الجبنه والطعميه
علويه علويه اكلوها الكلاب
كلبه عطيه وكلبه دياب..
محمد مسكين
طعنو بالسكين
في يدو اليمين..
كو كو
مين في الباب ؟
أنا الثعلب
عاوز ايه ؟
عاوز بيضه
لونها ايه ؟
لونها أحمر
ويا احمر قوم جاري..
و سك سك
و شلع بلع
والسمين بقيف والضعيف بقع
و زرد البصله
و كمبلت
و ام الحفر
و فلفلت
و نط الكلب
و حكم قرقوش
و الترتار
و عربات علب الصلصة
و الكورة بحجار بطارية "نايل بور"
و لو جاك الحاوي البرقاي تديهو شنو ؟
.
.
محمد طارق | زول درويش.
ليست هناك تعليقات:
إرسال تعليق