حلم يقظة

تكون ماشي وتجي  بجمب  المطبخ
تلقى رجليك ساقوك براهم و وقفت جمب التلاجه
وفتحتها و لفحك الهواء الباااارد داك لمن جسمك يكش
وتعاين كده للاكل والخضار من البروده لمن تحس بيو متكرفس
و ما يفضل ليك الا تخش تقعد جوه..
و تلمح جك الابري مندي و قاعد جمبو جك الليمون
وفوق ليهم قارورة مويه صااااقطه
و تتناول ليك بلح تاكل ليك كم وحده
و بعدها تتناول جك الحلو مر و تبدا تشرب
و تقرطع
و تبل ريقك بل شديد
وتخت الجك وتقول ااااه..
وفجأة يجيك واحد ناطي من ناس البيت ويكورك
" انت يازول نسيت انك صايم ؟!!
وانت فعلاً في عز نهار رمضان
خلاص كتمت فيك
والحلو مر بقى ليك مر
عليك ملاحق بعد العيد
و احره من كده انو الساعه مابين 3 و 4  يعني نص اليوم عبر يعني ال 10 ساعات الصبرتها بلها واشربها تاني ..
.
.
.
.
.
.
.
.
و فجأة !
تصحى من النوم
ويطلع ده كلووووو حلم
ياسلاااام ياخ
نفس إحساس الهوا البارد بتاع التلاجه لمن تفتحها في الحلم  يجيك في اللحظة دي ..
وتتبسم براك لاخر ضرس
وتقول الحمدلله
وتعاين تلقى الساعه 4:30
و تبلع ريقك وتقوم تشوف الحاصل في الدنيا شنو .
.
.
محمد طارق | زول درويش.