الاصنام

#الاصنام
.
.
في عالم الاسافير الاصنام ديل عباره عن ناس برسلو ليك طلبات صداقة تقبلها وتاني ما تشوفهم!
و مرات تكون بتقلب في قائمة الأصدقاء تتفاجأ بأسامي كده تستغرب الجابها هنا شنو!
اها و يكون متابع صفحتك ويا كافي البلا
لا لايك
ولا شير
ولا كومنت
ولا حتي بغم!
يعني أنا محتار الناس دي بتعمل فشنو؟
خاشه بتسوي فشنوووو؟!!!
مرات بشك انهم داوعش دايرين يدعدشونا 😁
ياخي هو زاتو منشور في صفحتو ما بنزلو!
تخش صفحتو كلها تطبيقات حكم و خواطر و بوست واحد انو مولود في اليوم الفلاني!
طيب ياخي شاركنا صمتك!
هوزز راسك ده!
اتكلم بالاشارة 👇☝👉👌💪✊👊👌
ياخي اعمل اي شي!
ما معقولة تكون كده!
ياخي التلفون لمن يكون صامت وفي اشعار،
بكنتك برااااو و بنور!
كنتك ياخ!
نور!  نور الله وشك !
و الناس البرسلو شكراً على قبول الصداقة و اتمنى التواصل يدوم وتاني ماتسمع بيهم كلو كلو !
كدي ورونا التواصل بتاعكم ده بتم كيف!
عبر توارد الخواطر ولا شنو؟!
اها يا هاري بوتر! 😒
يا ست الودع! 😒
.
و يااااا ست الودع
هيييي كشكشي 👏
وشوشي 👏
شوفي  الصنم ده لو فيهو شي!
وريييني ياخ ما تختشي!
افتح خشمك قول اي شي!
.
.
محمد طارق | زول درويش.