شات

#شات
.
برامج الشات الحالية البقت خمسين ألف نوع خلت الدردشه طعمها مسيخ ..
ما عارف السر شنو لكن زمان بكون في حماس ولهفة كده لمن تكون بتتكلم مع زول
يعني كان الشات ليو طعم خاص..
و احساس ظابط كده لمن تكون متواصل مع اصدقاء من دول مختلفة..
احساس
" هنالك بشر اخرين في بقعة ما من هذا الكون الوسيع"
.
زمن نيمبز #Nimbuz
و ايبودي #ebudey
و اشهر البرامج و اقدمها ميج 33 #Mig،
.
زمن #غرف_المحادثات
و ترسل و تنتظر الرد بكل لهفة،
حتي الاسكاي و الفيس وخدمة الرسائل المجانية حقت #MTN   اول ايامهم كان الشات فيهم ليو احساس اسبشل ،
احساس  عفوي و جميل،
و اي شي كان في حدود،
.

اما هسه!
حدث ولا حرج!
تسعمية و تغشين جغجمية دكشيون برنامج!!
.
واتس!
لاين!
فايبر!
تلغرام!
ايمو!
ماسنجر!
انستامسج!
سومو!
ماسنجر!
كيك!
بي بي ام!
و هلمه جره..

و بعد ده كلو تجي تلقا الناس ما طايقه بعض،
لانو #اختلط_الحابل_بالنابل
و #اللوم
و #التشغيلة
و #المضايقات البتواجه البعض، كترت
و #فقدان_الخصوصية
حتي الوقت كان ليو حرمتو و قداسيتو الخاصه،
مافي بت بتتكلم مع ولد بعد الساعه 10 او 11 مساء..
ومافي ولد برسل لبت بعد الوقت داك.
هسه تكون نايم و دقست نسيت النت فاتح تجيك خمسين رسالة و سبعين مكالمة مجانية تطفش النوم من عيونك! .
.
الا ليت #النوكيا و #النيمبز يعودان يوماً.
.
.
محمد طارق | زول درويش.