ابقى مارق

#المهدي_المنتظر  هو ذلك المحارب  الجسور
القادم من بعيد،
عند الرمق الأخير بعد أن فرغ الصبر منا في معركة الإنتظار 💪
وفور ظهوره في الأفق ترسم ابتسامة عريضة 😁 علي و جوهنا العابسة
مصاحبة لها تنهيده طويله 😌
تشي بالخلاص 😍
ليشغل ذلك #المقعد_الوحيد و يصيح الكمسنجي #قفلت_يا
#ابقى_مارق ✋
ثم يأتي السائق ويقفذ خلف المقود بكل رشاقة
معلناً بذلك بدء رحلتنا في العودة..
عندها يشق طريقه بنا كالبرق
غير آبه #لطين_الصلصال المرصوص خلفه في المقاعد!
و يتدفق الهواء البارد عبر النوافذ
و يلوح الشتاء من أعلى بابتسامة صفراء مغزاها #جيتكم_كتمت_فيكم 🌬
و يواصل السائق #خياطة الطريق عابراً فوق كل مطب و عائق!
حتى يغلبك النعاس و تستيقظ #مخلوعا
فتجد نفسك قبل #شارعين_من_شارع_بيتكم!
فتنزل متوجهاً الي منزلك متخبطا كالسكران..
.
ولا تدري ماذا حصل بعد ذلك 😴💤💤💤💤💤
.
.
محمد طارق | زول درويش.

الثورة!

ذات #ثورة و #انتفاضة في #اسبانيا قبل زمن بعيد..
خرج الجميع الي الشوراع نافثاً كبت سنين من الضنك و العيش الضيق بعد أن طفح الكيل!
امتلأت الطرقات بالإطارات المحترقة و الحواجز البشرية..
كانت الاجواء حماسية جداً
تتصاعد #الدخاخين في كل الاتجاهات!
و صوت اطلاق #البمبان يدوي في الأرجاء!
وقفنا في الطريق الذي يؤدي إلى #امدرميد بعد اغلاقه تماماً
نهتف الله اكبر #حليمة_تكبر_تسوي_كستر_لعم_جعفر!
و النساء يقمن بسقي الثوار ماء و عصير #كركدي بااارد!
حتى وصلت القوات النظامية في عرباتها #الهمر_الأزرق مدججة بالطلق المطاطية و الغاز المسيل للدموع!
خيم الصمت المكان!
نراقب القوات من بعيد و هي تقف وقفة #النمر الذي يترقب #فريسته!
تماسك الجميع و كان الأمر بأن لا يهرب أحدهم حتى نستطيع صد القوات!
بدأت القوات تتحرك نحونا ببطء و حذر!
و أستعد الثوار للالتحام!
فنحن ابناء #ايكر_المهدي 💪
لم تمضي ثوانٍ حتى انطلقت عربات #الهمر نحونا بكل ما أوتيت من سرعة
ولم تمضي ثوانٍ حتى #تبخر الثوار!
وجدت نفسي اقف هنالك وحيدا
و #موضوعي_مستحمي
فما كان مني إلا أن #انذغم في اقرب منزل!
و #اعمل_ساتر!
حتى عم الأمن المكان و خرجت عائداً أجر خلفي اذيال الحسرة متوجهاً الي منزلي بالقرب من متحف #ديل_برادو..
.
حينها أدركت أن الثورة #قادمة بلا محال 💪
و انها في ذات الحين #جارية 💃 بلا شك 🌚
.
.
محمد طارق | زول درويش.

الثورة!

ذات #ثورة و #انتفاضة في #اسبانيا قبل زمن بعيد..
خرج الجميع الي الشوراع نافثاً كبت سنين من الضنك و العيش الضيق بعد أن طفح الكيل!
امتلأت الطرقات بالإطارات المحترقة و الحواجز البشرية..
كانت الاجواء حماسية جداً
تتصاعد #الدخاخين في كل الاتجاهات!
و صوت اطلاق #البمبان يدوي في الأرجاء!
وقفنا في الطريق الذي يؤدي إلى #امدرميد بعد اغلاقه تماماً
نهتف الله اكبر #حليمة_تكبر_تسوي_كستر_لعم_جعفر!
و النساء يقمن بسقي الثوار ماء و عصير #كركدي بااارد!
حتى وصلت القوات النظامية في عرباتها #الهمر_الأزرق مدججة بالطلق المطاطية و الغاز المسيل للدموع!
خيم الصمت المكان!
نراقب القوات من بعيد و هي تقف وقفة #النمر الذي يترقب #فريسته!
تماسك الجميع و كان الأمر بأن لا يهرب أحدهم حتى نستطيع صد القوات!
بدأت القوات تتحرك نحونا ببطء و حذر!
و أستعد الثوار للالتحام!
فنحن ابناء #ايكر_المهدي 💪
لم تمضي ثوانٍ حتى انطلقت عربات #الهمر نحونا بكل ما أوتيت من سرعة
ولم تمضي ثوانٍ حتى #تبخر الثوار!
وجدت نفسي اقف هنالك وحيدا
و #موضوعي_مستحمي
فما كان مني إلا أن #انذغم في اقرب منزل!
و #اعمل_ساتر!
حتى عم الأمن المكان و خرجت عائداً أجر خلفي اذيال الحسرة متوجهاً الي منزلي بالقرب من متحف #ديل_برادو..
.
حينها أدركت أن الثورة #قادمة بلا محال 💪
و انها في ذات الحين #جارية 💃 بلا شك 🌚
.
.
محمد طارق | زول درويش.

مسيرة و مخرجات!

حدثت هذه القصة في #اسبانيا قبل زمن بعيد
حينما كنت في الثانوي..
ذات يوم مشمس و درجة حرارة تقارب الي الغليان، ذهبنا في الصباح الباكر الي المدرسة كحال كل يوم، وعندما وصلنا كان التيار الكهربائي مقطوع! ايضاً كالمعتاد!
بعد #طابور الصباح جائنا الأساتذة ليزفوا لنا خبر عدم وجود دراسة اليوم!
سررنا جداً حتى أخبرونا ان هنالك #مسيرة الي العاصمة #كرتوميول! 
لم نكترث فكان الأمر بمثابة طوق نجاة من الفرن الذي سنقضي فيه بقية اليوم!
وايضاً رحلة سياحية مجانية الي العاصمة..
إحتشدت الحافلات بالخارج و توجهنا نحو العاصمة نشق الطرقات المسفلتة و نمر بالحافلات المزينة بإعلانات المسيرة القادمة من بقية الولايات..
لا نعلم ما ينتظرنا حقاً لكن الأجواء داخل الحافلة كانت مليئة بالسعادة و الأناشيد ..
حتى وصلنا إلى وجهتنا آلا وهي #الساحة_الصحراء هذا ما أطلق عليها..
أصبنا بالذهول من العدد الهائل الموجود هنالك..
يخيل لك أنه #يوم_البعث
و #الشمس كأنها هبطت من السماء لستقبلنا أسفلها..
و العرق يخرج من المسامات ليتبخر فوراً!
والهواء المشبع بالغبار!
وقفنا وسط هذا التجمع البشري الكثيف
نلتقط بعض الكلمات التي تخرج من مكبرات الصوت!
يبدو أن احدهم يقدم خطاب ما!
نكاد لا نرى شيئاً سوي جدار بشري أمامنا!
بعد أن فرغ منه ارتفع صوت الغناء و قام الجميع #بالرقيص!
لم نعلم ما يحدث هنالك و لكن سرعان ما بدأ العرض العسكري
وهو الحسنة الوحيدة في تلك اللحظة
دبابات #تفحط في الأرض!
ومن فوقنا طائرات #الميج تناور أيضاً!
حقاً إستمتعت بهذا العرض!
.
انتهى اخيراً وعدنا أدراجنا ونحن لا نعلم في الأصل لماذا قطعنا هذه المسافة و ما كان دورنا في هذا العرض!
.
مرت  الأيام و فهمت #مخرجات هذه المعادلة الغريبة
#أناس_يأتون_بأنفسهم_ليكبروا_و_يهللوا_بأنفسهم_لأنفسهم!
.
.
كسرة: هسه في زمتكم دي سخانه ساحة و تهليل ورقيص!
تبقى عليكم ضربة شمس و وجع كرعين و فشفاش محروق!
صحي #شمسك_بقت_شمسين 🌚
.
.
محمد طارق | زول درويش.

#عزلة

#عُزلة
.
أحياناً عندما تشعر بالإختناق من الأفضل لك أن تهرب من هذا العالم القبيح ، تنعزل لوحدك في غرفتك ، توصد الباب
تطفئ الإنارة ،
كل ما حولك مظلم
الجدران بلونها الباهت،
تجلس علي فراشك الدافئ،
تتكئ علي الحائط الذي خلفك و تضم قدميك نحوك..
تجد نفسك في حيرة من أمرك لا تدري ماذا تفعل!
صمت يخيم علي الغرفه،
صوت عقارب ساعتك المتصاعد من تحت وسادتك..
صوت تيار الكهرباء الذي يسري داخل وصلة شحن هاتفك المحمول ..
يهتز بصمت ثم تضئ الشاشة لتظهر عليها إشعارات و رسائل نصية قصيرة، إنها مواقع التواصل الإجتماعي ، تغلق الهاتف دون النظر اليها، فلا يمكنك أن تتحتمل المزيد من الهراء
و الكثير من النفاق..
من فوقك يعلو صوت الهواء المتسلل من بين فتحات وحدة التكيف..
تبعث تلك الشاشة الصغيرة الموجودة علي وحدة التكيف إضاءة خافته علي أرجاء الغرفه تستطيع أن ترى من خلالها أطرافك..
تضفي للعزلة قُدسية أكبر كشمعة مضيئة وضعت عند نهاية بهو معبد..
تفكر كثيراً حتي يكاد أن ينخلع رأسك من علي جسدك..
تتناسى ما يشغل بالك تارة و تعود الى التفكير تارة أخرى..
تحاول أن تكون في حالة إنعزال تام
بعيداً عن الخلق
بعيداً عن الأشياء التي تُثير إشمئزازك
التي تُضجرك بمجرد التفكير بها..
عن الأحداث المرعبة التي تحدث بالخارج
و الحروبات التي تكاد أن تسيطر على العالم..
بعيداً عن جميع خيبات الماضي و المخاوف من مستقبل مجهول ..
.
بعيداً عن كل ذلك خذ نفسك  في رحلة إلى السماء حيث الدعاء
حيث الخالق
حيث المستجاب
حيث الأمل..
و تذكر يا صديقي الأمل شئ جيد
ربما يكون أفضل الأشياء
و الأشياء الجيدة لا تموت ..
.
.

محمد طارق | زول درويش.

إلهام

أحياناً تُصيب عقولنا لعنة الوحدة و الإنكماش الذاتي و الفرار من كل شيء فلا نستطيع أن نكتب كلمة واحدة حتي لو كانت محض هراء..
و احياناً اخرى نجد انفسنا متلهفين للكتابة حتي اتفه الأسباب تجعلنا نكتب.. نجد الالهام في كل شيء حولنا..
فمثلاً تجد زوج من الذباب يمارسان الحب فوق طبق من البازلاء المكشوف، فيقرع الإلهام جرسه، و تبدأ بكتابة قصة العشق هذه التي ولدت ذات يوم في مطبخ إحداهن حين غفلة عندما كانت تهّم في تحضير حساء البازلاء الشهي .
فيستغل الذباب هذه السانحة ليمارسان طبيعة الحياة،
وعاء مكشوف..
خضروات متسخة لم تُغسل بعد..
نفايات وضعت علي الزاوية فاحت رائحتها المقززة..
و غفلة السيدة ،
كل ذلك يشي بطقس مثالي لإنشاء قصة حب مثالية،
حتى حين انتباه السيدة،
تقع نظراتها عليهم ، فتحرك ذراعها بسرعة بحركة تدل على الرفض و الإمتعاض ، فيظن زوج الذباب أنها تحسدهم تحقد عليهم، فالوحدة في نظراتها واضحة و شدة فرطها في إعداد الوجبات تؤكد ذلك،
لكن هذه الحركة كانت كفيلة بأن تفرقهما، فيطير كل واحد في اتجاه،
يقع الأول في مصيدة الذباب الكهربائية التي توضع على المطابخ،
فتحزن الذبابة الثانية من سقوط رفيقها و زوجها فتقرر اللحاق به ،
و تلعن السيدة بصمت،
حتي يصدر صوت المصيدة بفرقعة تُعلن عن نهاية تلك القصة التي كانت قد بدأت لتوها..
.
فتجد نفسك و الإلهام و الحروف في إتفاق و تضع القصة تحت عنوان
" عشق فوق حبة بازلاء " .

.
.
محمد طارق | زول درويش.

شلل

مواقع التواصل الاجتماعي باشكالها المختلفة
فيها حاجات كده بتجيب #الشلل_للواحد 😷
يعني مثلاً :

#الواتساب القروبات، و الرسائل بتاعت ارسلها لجغجمية شخص وانظر ما يحدث لك بعد 5 دقايق! اوريك بعد 5 دقايق بحصل لي شنو بمسح الرسالة و بقفل الواتساب و بخت التلفون في الشاحن ده البحصل 🌚

#الفيسبوك الاشعارات، و وكل ثانيتين فلان اضافك للمجموعة الفلانية و جملة ممكن نتعرف و الناس البتعمل ليك تاق في صورهم الشخصية!! لا وشنو في ناس كده بس شغالين نكز! فلان نكزك!! انتو نكزك دي قاصدين بيها شنو؟ ! 🌚

#الانستغرام صفحات سودانيز بيوتفول بيبول و سودانيز احلا ناس و سودانيز حلوين و شنو كده سواقر ولا سواري.. المهم لمن يحيروك زاتو انتو يا جماعة السودان ده فيو حلوين قدر ده؟! 🌚

#التويتر  تلات ارباع الفيو عاملين مثقفين و منطلقين و احرار و الواحد تلقاو بتلفظ ويدرع و مبسوط.. و الاغيظ تجي تنشر حاجه يقول ليك حروفك كتيره! تبا لك! ذكرني في امتحان الانجليزي يدوك قطعة صفحتين ويقول ليك اعمل ليها سمري في سطرين 🌚

#البي_بي_ام ده كلو عباره عن جلطة الفيو عاملين روحهم شهاده عربية وهم شهاده من الضعين!!  و منشوراتو كلها بالسعودية يعني ما عارف الحكحكه شنو!! العندو انصحك تمسحو 🌚

#التلغرام تكون خاشي و من قناة لقناة و تقرا نص لده و تقرا شعر لديك و فجأة القنوات كلها تقلب #اللسته_السودانيه_الكبيرة و لستة منو كده ما عارف لاجمل القنوات و اللسته الخارقة!! مثبت ما عارف من شنو لشنو و تخش الصباح تلقاها في وشك تخش بالمساء تلقاها في وشك لدرجة تلقى قنوات غير منشور اللسته دي مافيها اي شي 🌚
.
#شلل_ياااااااااخ 😷
.
غايتو مافي حل الا الواحد يكون #مطاطي 😂
فشنو عليكم بالصبر والسلوان وعصير الليمون 🌚✋
.
.
محمد طارق | زول درويش.

يحزنني جداً

#يحزنني_جداً رؤية إثنان لم يكملا سن الرشد بعد و هما في قصة غرام  مفعمة بالحياة،
ترى أعينهما تشعان بريقاً ولمعانً من الحب ♥،
حتى تنتهي هذه القصة في مرحلة ما بالفراق،
فتنكسر القلوب..  💔
عندها تكون قد وضعت أول عتبة سوداء في طريق علاقاتهم الطويل..
و يبدأن يتخبطان بين أشباه الحبيبات و الأحباب..
حتي تهن الروح و يشتعل القلب شيبا..
و #يسعدني_جداً حين يأتي ذلك الشريك المنتظر بعد خوض نفس التجربة و ينتشل رفيقه ليضمر جروح سنين و يشفيها و تعود أعينهم تشع من ذلك البريق الأول 😍
.
#مصيرو_الحي_يعود_تاني
#يحل_في_سمانا_أجمل_عيد ❤
.
.
محمد طارق | زول درويش.

للمسابقة

#للمسابقة 😚✌
.
سيلفي العيون 👀 للمسابقة!
سيلفي القدوم 💋 للمسابقة!
سيلفي النخرة و الاضان 👃👂 للمسابقة!
سيلفهات كتيره و عويره برضو للمسابقة!
الشبابيك و الفتحات و المناور برضو للمسابقة!
و انت يا ماشي تعال #غاشي
و يا بعيد قرب قريب و شوف #العجيب!
ورقه عشره
عشره ورقه
ورقه عشره!
سلع رخيصة للبيع و برضو #للمسابقة!
و اها الجائزة شنو؟  🌚
يترفع السيلفي صورة #غلاف!
بس خلاص كده !
اي والله!
لا يعني هسه الواحد #يعرض_نفسو للبيع اقصد #لللايكات عشان غلاف!
تصدق 🌚
😂😂😂😂😂 ياخي والله دي مهزله!
طيب والناس الكوووباااااار ديل برضو مشاركين في المسابقة!
ايوه #مهزلتنا اقصد مسابقتنا لكل الأعمار!
لا حول ولا قوة الا بالله! 😂😂😂😂😂
.
#نقطة_سطر_جديد 😑 ✋
ليه الناس بترخص من نفسها و قدرها بالصورة دي!
ليه انتي يا أخت تعرضي تفاصيل جسدك (عيونك رموشك  و اياً كان) للعامة عشان لايك و كسير تلج من #خرفان لا يسوون شئ!
ليه بس!
كدي الدين والشريعة خلوهو بالجمبه لانو واضح مافيو اتنين تلاته
لكن بالعقل كده ليه بس؟!
و الخرفان و المطبلاتيه القاعدين ديل!
ما تقول لي ترفيه و تغير و بتاع! لالا دي مهزلة و هباله و عواره و #تنزيييييل ليك اولا كراجل و ليها هي كأنثى (مقدسة) ثانياً !!
ليه بس!
عشان لايك!
عشان كسير تلج!
#اها_وبعداك! استفدت/ي شنو؟! 😒
لا و الغريب انهم مبسوطين و فرحانين تلقى الواحد ولا الوحده تضحك ها ها ها #فزت في المسابقة! 🌚
طيب ياخ
قالو عنك #وجيه #وكسار و الخفيفات يتفصلن ليك! 😍
قالو عنك #حلوه و #مزه و الخرفان يترقدو ليك! 😍
طيب و بعداك!
وروني عليكم الله بعداك بحصل شنو؟  🌚
ولا شي
ولاااااااااااااااااا شييييييييي 🌚 ✋
.
#حقيقة_كده شئ مؤسف جدا جدا جدا نشوف القروبات شغالة تجارة بمقامات و مكانات الناس عشان شويه كمية اعضاء و شهرة تافهة لا تسوى شئ!
.
#قيم_نفسك_بنفسك  😊✋
و #ما_تخلي_الناس_تقيمك ! 😶☝
#تقيمك_من_جوهرك_وليس_مظهرك ❤
.
#نسخة_من_المنشور_ده_لناس_المسابقات 😉
.
.
محمد طارق | زول درويش.

انقلاب

Mohamed Tarig:
كدي نتخيل لو #الانقلاب ده كان حصل عندنا في السودان بنفس سيناريو #تركيا 😉
اي عرفنا جدودكم كلهم اتراك 😒
المهم الجيش انتشر سيطروا على الاماكن #المهمة ومنها
#عوضية_سمك 🐟
#قندهار 🐏
#حوش_السمك 🐡
#شارع_النيل 🏝
#بشير_بوش 🍲
و غيرهم من المعالم #المؤثرة على اقتصاد الدولة..
يقوم #بشه يحتار يعمل شنو 😅
يقوم يضرب #لعبدالرحيم #بالايمو يلقى مافي شبكة 😶
يضرب ليو فيديو #بالماسنجر و يرد عليو 😁
ويبدا #يخاطب الشعب العظيم 😌✋
" تن تن تن تن  ا     تن تن  لو  تن تن
#الس تن تن  #لااااام  تن تن  #عل  تن تن تن  #ييييكم
#سبعة دقايق  يادوب قال السلام عليكم 🌚
ن و و و و #الصورة تقيف فجأة 🌚
وفجأة #شاسميللسمشةربسسكظسظينرر #الشعب_الكريم
#بال تن تن تن تن تيت تيت...
#انقطع_الاتصال 😷

وجلللب تجيو رسالة #ام_تي_ان
"عفواً لقد تم نفاذ حصتك اليومية من الانترنت يمكنك التصفح، و للحصول  على الساعة السريعة الاتصال ب....."
.
و #ضاع_العشم_وانسدت_ابواب_الرجا
#صعبت_خلاص_الحالة_يارب_تفرجها 👏👏
.
.
محمد طارق |زول درويش.

المدارس

#المدارس 📝📒📏📐🖊
.
.
بما انو الليله اول يوم في العام الدراسي لطلبة الاساس ،نرجع شوية لمن كنا نحن في نفس المرحلة دي..وقت كنا شفع حلوين #ظريفين..😇
قبل موعد المدارس باسبوع او اسبوعين كنا بنكون منتظرين بفارق الصبر😍 لانو خلاص الزهج بحصل 😅..  في انتظار الوالد او الوالده يجو خاشين بحاجات المدرسة..او يقولو لينا البسو عشان ماشين السوق نشتري ليكم الشنط والجزم 😍..
ونصل السوق ونلقى اصحابنا البقرو معانا هناك برضو .. والدكاكين كلها
كراسات
شنط
اقلام باشكالها
المساطر
البرايات
المقالم
الالوان
المساحات
علب الهندسة
ونلف الدكاكين و نتفرج و نشتري الشطنة 💼
ونمشي نشتري #الزمزمية في شكل #الرجل_الالي ويومين بس و #بتتكسر 😁 بس برضو ليها في النفس مكانة❤..
و ناخد #قماش ابيض للقمصان
وقماش اخضر للبناطلين
والقماش المبرقع لناس الثانوي
او نشتري جاهز..
وللبنوت #الباندات والطرح..
ونجي نشتري الجزمة 👟👟
و الكراسات والجلاد و الفلوسكاب الابيض و البني للكتب..
و نشتري #المسطره الفيها #موية وجواها حاجات #بترقش قمة المتعة 😍..او الفيها #متاهه و بليه صغيرة وتقعد تحرك في المسطرة عشان تدخل #الجله دي في مكانها 😍..
والبراية شكل #المفرمة..البراية دي ليوم الليلة نفسي فيها😁..
و #المساحة الريحتها زي #اللبان..غالبا  كنا بنشمها ونقرمها😁😋..
وقلم #الحبر الفيو كم #لون داك..
و #الساعة الفيها #آلة_حاسبة..😎 وانت لابسها تحس نفسك ابطال الديجيتال 😂
.
ونرجع البيت #مبسوطين ☺
ونكون منتظرين وكل مرة نفتح الدولاب ونعاين لحاجاتنا 😅..
واول يوم نلبس ونلاقي اصحابنا ونصل المدرسة سوا..
و #طابور_الصباح..
و الطلبة الجداد..
و #برنامج_الطابور.. و #حكمة اليوم و فقرة #النكات,, وفقرة #هل_تعلم, ,
و #نشيد_العلم.. الكلو غلط 😂
" نحن جند الفول جند العدس
نشتري الجبنه باغلى ثمن
هذه الجبنه لكم فليعش طباخنا حائماً بين الحلل للللللللل
يابني السودان هذا كلبكم
و يحمل العضمه
و يجري خلفكم 😁
والصفقة 👏👏👏👏👏"
طابور  #صفا
#انتباه
للفصول سر..
وتجري تحجز جمب الشباك عشان الكهربا مرات بتقطع من الحصة التانيه..او تقعد ورا..
والالفة يكتبك مع #المشاغبين..
وناخد الواجب
و جرس #الفطور
ونصحح مع الاستاذ
ويكتب ليك جيدجدآ او ممتاز..وتتبسط وتشيل وتعاين ليها😍.
وجرس نهاية اليوم🏃🏃
ونكورك #البييييوووت يا عبود تاكل الدود 😂..
وترجع بيتكم مكتح
و مغبر 😷
وتعبان
بس مبسوط..
و يمضي العام سريع
ونلقى نفسنا كبرنا و بنتذكر في الايام الجميلة دي❤..
ونشوفها في عيون اخوانا الصغار❤..
.
ونتمنى ليهم عام توفيق ونجاح بـاذن الله تعالي❤ .
.
.
محمد طارق | زول درويش  .

في المول

#في_المول 😎✌
.
بعد التراويح و الدنيا عيد قلت امشي #المول الجمبنا اكشف واشوف الحاصل شنو 😎 و اغير جو زاتو ..
اها مشيت و خشيت المول زحمه و جوطه 😷
وبقيت حايم..
طبعاً كسوداني #ما_ماشي اشتري  😅 و عموماً كده السودانين بمشو المولات عشان يغيرو جو و يتصورو و يشغلوها لبتاعين المحلات و يدقو جرس اسعاركم غاليه و يجوطو و في النهاية بمرقو #مييييييطي 😂
سبحان الله كل الشعوب بتمشي تتسوق و تشتري و تشرب ليها حاجه و يتخارجو الا الشعب الاسباني الظريف ده 😂
اها خشيت #ماكس  معروف ابو الرخا و حاجاتو ظريفه و عادي تخش اي فرع ليهم تلقى المحل كلو سودانين تحلف تقول في #السوق_العربي 🙊🙊🙊
الوضع ما عجبني مشيت محل بعديو ظريف وراقي ومافيو جوطه بقت لافي و اعاين 👀
خشيت قسم الملابس الرجالية و بقت اشيل ده و اجربو
اجي تاني وارجعو
اشيل البنطلون ده و اجربو
اجي تاني و ارجعو و شغلتها للفلبينو و الهنود الشغالين 😅😅
يشيلو و يتجارو يجيبو لي في المقاسات 😁😁😁
وانا في جيبي كلها 10 ريال 🙊🙊
في النهاية زهجت
واثناء ما مارق كده #طااااااخ حاجه ضربتني في راسي لمن طشيت شبكه ثواني كده بقيت ما مجمع 💢💢💢 و شايف نجوم نجوم 💫💫💫
قلت بكون واحد من الهنود ديل بعد التشغيله جا يفش غليلو و خماني #عكاز في راسي 😂😂😂
بعد شويه فتحت لقيتها وحده #جميله #جماااااااال 😍😍
لا حول ولا قوة الا بالله 😍😍😍
قرصت روحي سريع لكن الموضوع طلع مافيو قريص 😅😅
قلت بس دي #ليله_القدر جاتني لحدي عندي 😍
استغفر الله العظيم ياخ 😅😅
سريع استجمعت قواي و تركيزي و صريت ليها 😑
و قلت ليها ما بتشوفي انت قدامك؟! 😒
ارفعي راسك عايني لي هنا 😒
قالت لي "ام سو سوووري عنجد ماني قاصدي" و معاها #كشيره حقت الشفع #البريئة ديك 😔
غايتو الجمله دي تقول فكو فيني حقنة مخدرة 50 سيسي 😂😂😂
قلت ليها حصل خير بس تاني عايني قدامك 😒
قالت لي " #تؤبر لي البي ما تزعل مني و حياتك #ماني قاصدي "😔
#حييييييييييينا من تؤبر لي البي دي 😍😍😍
ما قلت ليكم #اللبنانيات ديل #حنيناااااااات 😍😍
المهم بعد تحانيس و راسك بقى كيف و شويه حنك عزمتني قهوة ☕
قلت خلاص امورك #وضحت يا محمد طارق 😎
و مشينا اقرب #كافيه  و جلسنا في ركن قصي و #قعدنا و البت #خجلانه خجل وانا اكشف بالكروكي سااااي 😁
#العيون كيف و #الشعر كيف و الباقي تمو خيال 😂😂
بقينا نتونس شويه شويه
قلت الامور #سلكت باقي #الرقم و تكون انجزت يا معلم 😎💪
فجأة تلفونا ضرب و وصفت لواحد مكانها دقايق جا واحد حلبي كده ناعم و عامل شعرو كيف و لابس كيف 😏
سلم عليها و قومي يا البت #عرفيني عليو 🤔
هادا #محمد اتعرفت عليه قبل شوي و هادا #حمودي ماي بوي فريند ❤
ديشاااك حمودي طلع حبيبك يا بت الذين 😡😡😡
وهنا انا #احلامي ضاعت!!!
#ضاعت!!!
ضاعت في #الرهااااااااااب !! 💔
طوالي ولا #هظرت قلت ليو اتفضل اقعد وسالتو تشرب شنو عازمكم انا ومشيت لبتاع الكاشير ما خليت شي ما #طلبتو 😈😈😈
كابشتينو علي فكشتينو علي اسبريسو علي دونات علي جاتوهات و اخترت اغلي الحاجات لقيت الفاتورة قربت تحصل الالف لمن بتاع الكاشير احتار 😈😈😈
و وصفت ليو مكان نحن قاعدين و رجعت للبت و حبيبها وقلت ليهم عن اذنكم ماشي الحمام وجاي و #فوووووووو #كبرتها  😂😂😂
طلعت برا و بقيت بعاين منتظر اشوف الجماعه حيعملو شنو
و جاءت اللحظة #القاتلة ردمو ليهم #الطلبيات قدامهم و بقو يتلفتو #يفتشوني بعد شويه شايف الود جاطها و شاكل البت و  #وووب البت وقعت #غمرانه 😂😂😂
عند هذه اللحظة #ضحكت حتي #بانت #نواجذي و قلت لها
#welcome_to_my_world 😈😈

ومشيت اقرب محل شاي اشتريت لي #كرك (شاي لبن)  #بريال و لميت الباقي و رجعت بيتنا
عزيز مكرم رافع الراس نافخ الصدر 😎✋
و شافت عرض #زولي_امدرماني_ثوري لن تنساه ما حييت 😌✋
.
#الشغل_المحلي_ده_أجمل_منو_مافي ❤
قال تؤبر لي البي قال!!  🌚
.
.
محمد طارق | زول درويش.

احببت فتاة

سك سك 🏃

#سك_سك 🏃🏃
.
كالعادة جيت بعد التراويح قعدت والزهج يخيم علي الاجواء 😶
الفيس مافي موضوع
الواتس مافيو موضوع
التلفزيون كلو دعايات وشويه ناس بغنو 😷😷
ده حال شنو ده 😑
قعدت افكر طيب يا محمد طارق ما تقوم اخد ليك جكه سريعه كده تغير وشايف في جضوم وحاجات بدت تظهر 😅😅
المهم خشيت في البرموده و الكت و الكداره و يا الشارع جاك زوول 😎✌
ركبت سماعاتي و عملت تسخينه سريعه كده وبديت اجك 🏃🏃🏃
جاكي و منطرب ☝👋👏👏
شويه شويه بزيد السرعة..
اها خشيت في شارع ميت كده لا عربات لا جوطه و جاري بمزاااااج 😌
و بهدن شويه اشيل نفس ومعاهو كم رقصة سريعه كده 😁😁🙊 💃💃
وتاني بقوم مشخط.. 💨🏃
اها في طرف الشارع ده في هنود اتنين قاعدين بره و مركزين مع تلفوناتهم..
بس طق جاتني فكره قلت لمن اجي جمبهم اخلعهم و اواصل جريتي.. اشغلها ليهم شويه بدل قاعدين كده 😈
يلا قربت والجماعه ولا جايبين لي خبر يشختو في تلفوناتهم ساي..
بس وصلتهم كده!!!
كوركت ليهم جاااااااااكم!!!!!
ومعاها صوت وحش كده 👹 ياخي انا زاتي لمن اتخلعت 😅
وقومو يا الهنود اتخلعو لدرجة اطلقو كرعينهم للهوا و في كسر من الثانيه فوووووووو  بقو جارين 😂😂😂😂
ولا هظرو جري بس
والله جرو جري
حيروني زاتي معقولة اتخلعو للدرجة دي؟ 😂
اها انا قلت خلاص الحقم اوريهم اني بهظر معاهم وكده
اها الجماعة شافوني جاري وراهم قالو بس خلاص الزول ده الليله بنتهي مننا وقومو اجرو زياده 😂😂😂
انا جاري
وهم جارين
سك سك بس والله
يا جماعة استهدو بالله
والله بشاغل فيكم 😂😂😂
وحات ديني شخطو شخيط
طيارات بس ✈✈
ينفعو مهاجمين  😂😂😂
ياخي جرايين كيف القصار الدقدق ديل 😅 ماشاءالله تبارك الله 🙊
انا جاري وراهم لمن كراعي اتشمطت 🙈
الجماعة اي واحد استلم ليو شارع و لف بيو و بجريتهم ديك ما وقفو 😂😂😂😂
انا قطعت خلاااااااااص والفيني كملت 😅
وقفت بعاين ليهم لحدي ما اختفو من الشارع واضحك😂😂
ياخي ابو جبنكم زاتو 😂😂
ديل شنو ديل 😒
الواحد ما يهظر! 😏
غلطان انا البظهر معاكم 😑😂
.
المهم هسه انا القي لي زيت سمسم اتمسح بيو وين؟! 😅
.
.
محمد طارق | زول درويش.