جراح الوطن

#مشهد_اول..
......
-محمد طارق اخبارك وصحتك؟ وكيف عامل ؟
-تماام الحمدلله وانت عامل شنو ؟
-بخيير الحمدلله. .انت مش خلصت جامعه ؟
- اي والله والحمدلله عقبال تتخارجو انتو ..
- اي نحن نتايجنا في رمضان..
- بالتوفيق ان شاءالله. .
- وانت هسه عامل شنو؟ اتخارج من البلد دي خلاص. .
- اهو بلقط لي في شهادات ... اي ان شاءالله - اي يازول اكسب زمنك..
- ان شاءالله. .
.
.
#مشهد_ثاني..
......
-اووو درويش عاش من شافك ياخ ..انت يازول لسه قاعد في البلد ؟
- يامعلم يديك العافيه الأمور شنو؟ ..هههه لسسسسه قاااعد. .معقوله امشي واخليها ليك! !!
- والله جري الجري مع الجامعه بس الحمدلله. ..ياخ والله انت زول ماجادي البقعدك لحدي هسه شنو؟ - ان شاءالله بتخارج وبخليها ليك عارف بلد مافيها تمساح يتقدل فيها الورل..
- هههه ورل انت..جد والله امشي ياخ عشان تظبط امورك وترسل لينا ..معقوله لا نلقاها منك هنا ولا هناك..
- ههههه ان شاءالله. ..
.
.
#مشهد_ميه..
......
-ود طارق شنو ياعمك وين ماظاهر؟
- والله موجودين ومتوفرين بكثره كمان..
- عامل شنو والجديد معاك ؟
- كلو فل الفل الحمدلله. .مااافي جديد كلو تاريخ..
- اها خلصت المعهد ؟
- ايوه الحمدلله.. اها انت عملت شنو في الخدمه ؟
- والله ياعمك ساكي التقرير الطبي الناس ديل عوارض ياخ..
- اي والله امشي ليهم جاهز عشان مايجرجروك..
- اي ان شاءالله. . اها مكبرا متين انت ؟
- مكبرا شنو؟
-انت دمك؟! مسافر متين؟ البلد دي العمل فيها عمل والما عمل ماحيعمل شي تاني..عشان كده اتوكل يازول ...
- لسه شويه..اي والله ربنا يسهل..
- لسه شنو؟ منتظر شنو؟
-هههه منتظر سد النهضه
- هههههه مساختك دي اصلو ماحتخليها
- اي هههههه....
.
.
هذا هو تفكير ابناء بلدي الآن. .الكل يحاول ان يهرب ان يستريح ان يستقر..
الكل يريد ان يعيش عيشه رغده جميله هادئة امنه. .
ولكن في ظل هذه الظروف وبعد ان تدهور الحال الي اقصى ماشهدته البلاد ادرك الجميع انهم ليس لديهم مستقبل هنا..الا ماندر منهم ..
ودق ناقوس الخطر ميقظآ اياهم للتوجه الي الخارج..
فلا يوجد سبب وحيد لباقائهم هنا...
سيعاني السودان بفقدان كل المواهب كل العباقرة كل العلماء ..ولن يجد احد ليطبطب عليه ويخيط جراحه..
سوف يصبح وحيدا مع اولئك الذين دمروه وجرحوه وشتتوا شمله....
عسى ولعل ان يستيقظوا في يوم من حلمهم هذا ويعيدوا للوطن مجده وعافيته...
.
.
ولله درك ياسودان...
.
.
محمد طارق | زول درويش.

بص الوالي

بص الوالي |جراب الحاوي.
.
.
ﻇﻠﺖ ﺃﺯﻣﺔ ﺍﻟﻤﻮﺍﺻﻼﺕ ﺗﻤﺜﻞ ﻓﻲ ﺍﻟﻔﺘﺮﺓ ﺍﻷﺧﻴﺮﺓ ﻫﺎﺟﺴﺎً ﻛﺒﻴﺮﺍً
ﺑﺎﻟﻨﺴﺒﺔ ﻟﻠﻤﻮﺍﻃﻨﻴﻦ ﻭﺍﻟﻤﺴﺄﻟﺔ ﻟﻴﺴﺖ ﻓﻘﻂ ﻓﻲ ﺃﻥ ﺍﻟﻤﻮﺍﻃﻦ ﻳﺘﻀﺮﺭ
ﻭﻳﻌﺎﻧﻲ ﻧﻔﺴﻴﺎً ﻭﺑﺪﻧﻴﺎً ﻣﻦ ﺍﻟﺠﺮﻱ ﻭﺍﻟﻠﻬﺚ ﺧﻠﻒ ﺍﻟﺤﺎﻓﻼﺕ ﻭﺍﻟﺒﺼﺎﺕ
ﻓﻲ ﺍﻷﻣﺎﻛﻦ ﺍﻟﻤﺨﺼﺼﺔ ﻟﻬﺎ ﻣﻦ ﻣﻮﺍﻗﻒ ﺃﻭ ﻣﺤﻄﺎﺕ ﻟﻜﻦ ﺑﻨﻈﺮﺓ
ﺍﻗﺘﺼﺎﺩﻳﺔ ﺑﺤﺘﺔ ﻓﺈﻥ ﺃﺯﻣﺔ ﺍﻟﻤﻮﺍﺻﻼﺕ ﺗﻨﻌﻜﺲ ﺳﻠﺒﺎً ﻋﻠﻰ ﺇﻧﺘﺎﺝ ﺍﻟﻔﺮﺩ
ﻭﻣﻘﺪﺍﺭ ﻋﻄﺎﺋﻪ ﻟﻌﻤﻠﻪ ﻭﺿﻴﺎﻉ ﺳﺎﻋﺎﺕ ﻓﻲ ﺍﻟﻤﻮﺍﺻﻼﺕ ﻳﻌﻨﻲ ﺿﻴﺎﻉ
ﺳﺎﻋﺎﺕ ﻣﻦ ﺍﻹﻧﺘﺎﺝ ﻭﺗﺤﺮﻳﻚ ﺩﻭﻻﺏ ﺍﻟﻌﻤﻞ ﻓﻲ ﺍﻟﻤﺼﺎﻟﺢ
ﻭﺍﻟﻤﺆﺳﺴﺎﺕ ﻭﻻ ﺃﻇﻦ ﺃﻥ ﻣﻮﻇﻔﺎً ﻭﺻﻞ ﻣﻜﺘﺒﻪ ﺑﻌﺪ ﺳﺎﻋﺘﻴﻦ ﻣﻦ
ﺍﻟﺘﻨﻘﻞ ﺫﻫﺎﺑﺎً ﻭﺇﻳﺎﺑﺎً ﻭﺳﺎﻋﺔ( ﻣﺼﺎﺭﻋﺔ ﺣﺮﺓ) ﻟﻴﺠﺪ ﻟﻪ ﻣﻘﻌﺪ ﻓﻲ
ﺍﻟﻤﻮﺍﺻﻼﺕ ﻭﻣﺎ ﺣﻴﻜﻮﻥ ﻋﻨﺪﻩ (ﻧﻔﺲ) ﺃﻥ ﻳﺆﺩﻱ ﻋﻤﻠﻪ ﻛﻤﺎ ﻳﻜﻮﻥ
( ﻭﺍﻟﻐﺮﻳﺐ ﻭﺍﻟﻌﺠﻴﺐ) ﺃﻥ ﺃﺯﻣﺔ ﺍﻟﻤﻮﺍﺻﻼﺕ ﺃﻃﻠﺖ ﺑﺮﺃﺳﻬﺎ ﻓﻲ
ﺍﻟﺨﺮﻃﻮﻡ ﺑﻌﺪ ﻣﺎ ﺳﻤﻌﻨﺎ ﻋﻦ ﺳﻠﺴﻠﺔ ﻣﻦ ﺍﻟﻤﻌﺎﻟﺠﺎﺕ ﻟﻤﺸﻜﻠﺔ
ﺍﻟﻤﻮﺍﺻﻼﺕ(ﺍﻟﻤﺎﻓﻲ ) .

ﺍﺿﺤﻰ ﺍﻟﺘﺤﺪﺙ ﻋﻦ ﻫﺬﻩ ﺍﻟﺤﻜﺎﻳﻪ ﺍﻣﺮﺁ
ﺟﻠﻞ ﻭﻋﻠﻲ ﻟﺴﺎﻥ ﻛﻞ ﻣﻮﺍﻃﻦ، ﻓﻨﺠﺪ ﻣﻦ
ﻳﺘﺸﺎﻭﺭﻭﻥ ﺑﻬﺎ ﻭﻣﻨﻬﻢ ﻣﻦ ﻳﺸﻜﻮ ﻣﻨﻬﺎ
ﻭﺍﻟﺒﻌﺾ ﺍﻻﺧﺮ ﻳﺘﺼﺒﺮﻭﻥ ﺑﺎﻟﺤﺪﻳﺚ ﻋﻦ
ﻫﺬﻩ ( ﺍﻟﺸﺤﺘﻔﻪ ) ﺩﺍﺧﻞ ﺍﻟﻤﻮﺍﺻﻼﺕ ﺑﺤﺪ
ﺯﺍﺗﻬﺎ ...
ﻭﻳﻤﻜﻦ ﺍﻟﻘﻮﻝ ﻋﻠﻴﻬﺎ ( ﻭﻧﺴﻪ ) ﺍﺛﻨﺎﺀ
ﺍﻟﻄﺮﻳﻖ ﻓﻲ ﻣﺤﺎﻭﻟﺔ ﻧﺴﻴﺎﻥ ﺗﻠﻚ
ﺍﻟﻤﻌﺎﻧﺎﻩ .. في حين ﺍﺫﺍ ﺗﻮﻓﺮﺕ ﺍﻟﻤﻮﺍﺻﻼﺕ ﺗﻜﻮﻥ
ﺍﻻﻏﻠﺒﻴﻪ ﺣﺎﻓﻼﺕ "ﺭﻭﺯﺍ ﻭﻫﺎﻳﺲ " ﻛﺄﻧﻬﻢ

ﺍﺳﻤﺎﺀ ﻋﺸﺎﻕ !!
ﻭﻓﻲ ﺣﺎﻟﻪ ﻋﺪﻡ ﻭﺟﻮﺩ ﻫﺬﻩ ﺍﻟﺤﺎﻓﻼﺕ
ﺑﺴﺒﺐ ﺍﻧﻬﺎ (ﻣﺪﻓﻮﺳﻪ ) ﺑﺎﻟﺮﻛﺎﺏ،
فنجد تلك البصات المكندشه ﺍلتي ﻗﺎﻣﺖ
ﺍﻟﻮﻻﻳﺔ ﺑﺎستجلابها و ﺃﻃﻠﻖ ﻋﻠﻴﻬﺎ ﺑﺼﺎﺕ

ﺍﻟﻮﺍﻟﻲ ,
ﻭﺑﺎﻟﻔﻌﻞ ﺑﺪﺃﻧﺎ ﻧﺸﺎﻫﺪﻫﺎ ﺗﺠﻮﺏ ﻃﺮﻗﺎﺕ ﺍﻟﻌﺎﺻﻤﺔ ﺑﺎﺷﻜﺎﻟﻬﺎ
ﺍﻟﻤﺨﺘﻠﻔﻪ ﻭﻣﻌﻬﺎ ﺃﻃﻠﺖ ﺃﺯﻣﺔ ﺍﻟﻤﻮﺍﺻﻼﺕ!! حيث كانت سعة هذه الباصات - ﺍﻟﻌﺪﺩ ﺍﻟﻜﻠﻲ ﻟﻠﺮﻛﺎﺏ 50 ﺭﺍﻛﺐ ...
41 ﻣﻘﻌﺪ ﻭ 9 ﺷﻤﺎﻋﻪ،

ﻫﺬﺍ ﻣﺎﻗﻴﻞ ﻭﻟﻜﻦ ﺍﻟﻮﺍﻗﻊ ﺷﺊ ﺃﺧﺮ !!! ﺣﻴﺚ ﺗﺤﻤﻞ ﻫﺬﻩ ﺍﻟﻌﺒﺎﺭﻩ
" ﻇﺎﻫﺮﻫﺎ ﺍﻟﺮﺍﺣﻪ ﻭﺑﺎﻃﻨﻬﺎ ﺍﻟﻤﻌﺎﻧﺎﻩ "
ﻭﻛﻤﺎ ﺗﻌﺮﻑ ﺍﻳﻀﺂ ﺏ (جراب الحاوي) ﻭﺍﻟﺘﻔﺴﻴﺮ ﻟﻬﺬﻩ ﺍﻟﻌﺒﺎﺭﻩ ﺍﻥ
ﺍﻟﺒﺎﺹ ﻻﻳﻤﺘﻠﺊ !! ( ﻳﺸﻴﻞ ﻭﻳﺮﻓﻊ ﻭﺍﻟﻨﺎﺱ ﺗﺮﻛﺐ ) ..
وﻋﻨﺪﻣﺎ ﻳﺘﻮﻗﻒ ﺍﻟﺒﺺ ﻓﻲ ﺍﻟﻤﺤﻄﻪ ﻳﺮﻛﺾ
ﺍﻟﺸﺨﺺ ﻣﺴﺮﻋﺂ ﻋﺴﻰ ﻭﻟﻌﻞ ﺃﻥ ﻳﺠﺪ
(ﻧﻔﺲ ﻭﻓﺮﻗﻪ ) ﻳﻄﺄ ﻋﻠﻴﻪ ﻗﺪﻣﻴﻪ .. ﻭﻣﻦ
ﻫﻨﺎﻟﻚ ﻳﺒﺪﺃ ﻣﺸﻮﺍﺭ ﺍﻟﻤﻌﺎﻧﺎﻩ ﺑﺎﻟﺪﺍﺧﻞ!!
وناتي للوﺿﻊ ﺩﺍﺧﻞ ﺍﻟﺒﺺ ﻓﺄﻧﻪ ﻻ ﻳﻮﺻﻒ
ﻛﺜﺎﻓﻪ ﺑﺸﺮﻳﻪ ﻏﻴﺮ ﻣﻌﻘﻮﻟﻪ !!
ﺗﻮﻗﻒ ﺍﻟﺘﻜﻴﻒ
ﻭﺻﻌﻮﺑﻪ ﻓﺘﺢ ﺍﻟﻨﻮﺍﻓﺬ ﻭﻳﻈﻞ ﺍﻟﺸﺨﺺ
ﻳﺘﻨﻔﺲ ﺍﻟﺼﻌﺪﺍﺀ ﻭﺍﻟﻨﺰﻻﺀ ﻭ ﻛﻠﻮ،
ﻭﻭﻗﻮﻑ ﺍﻟﻨﺴﺎﺀ ﻭﻛﺒﺎﺭ ﺍﻟﺴﻦ ( ﺷﻤﺎﺍﺍﻋﻪ ) ﻟﻌﺪﻡ
ﺗﻮﻓﺮ ﺍﻟﻤﻘﺎﻋﺪ ﺍﻟﻼﺯﻣﻪ ﺑﻤﻌﻨﻲ ﺍﺧﺮ ﺍﺧﺘﻨﺎﺍﺍﺍﻕ ﺗﺎﺍﺍﻡ ﺑﺎﻟﺪﺍﺧﻞ ..
ﻭﺗﺒﺪﺃ ﺍﻟﻐﺪﺩ ﺑﺈﻓﺮﺍﺯ ﺍﻟﻌﺮﻕ ﻣﻦ ﻛﻞ ﺍﻧﺤﺎﺀ ﺍﻟﺠﺴﻢ
ﻭﺗﺘﺴﺦ ﺍﻟﻤﻼﺑﺲ ﺍﻟﺒﻴﻀﺎﺀ ﺑﺎﻻﺣﺘﻜﺎﻙ
(ﺍﻟﺤﺎﺻﻞ ﺟﻮﻩ) ﻭﺍﻟﺒﻌﺾ ﺍﻻﺧﺮ ﻳﺘﺬﻣﺮ ﻭ
تيــــــــت ﺣﺘﻲ ﺍﻟﻮﺻﻮﻝ ...
ﻭﻛﻞ ﻫﺬﺍ ﺳﺮﺩ ﻟﻠﻨﻮﺍﺣﻲ ﺍﻟﺴﻠﺒﻴﻪ .
ﺍﻣﺎ ﺍﻻﻳﺠﺎﺑﻴﻪ ﻓﻤﻨﻬﺎ:-

• ﻓﻮﺍﺋﺪ ﻃﺒﻴﻪ :
ﺍﻓﺮﺍﺯ ﺍﻟﺴﻤﻮﻡ (ﺍﻟﻌﺮﻕ)
ﻭﺗﻨﺸﻴﻂ ﺍﻟﺪﻭﺭﻩ ﺍﻟﺪﻣﻮﻳﻪ
ﻭﺣﻤﺎﻡ ﺑﺨﺎﺭ " ﺳﺎﻭﻧﺎ " ﻭﻣﺴﺎﺝ ﻃﺒﻴﻌﻲ ﻣﻦ
ﺟﺮﺍﺀ ﺍﻟﺤﺮﻛﻪ ﻭﺍﻟﻔﺮﺍﻣﻞ ﻭ ( ﺍﻟﺨﺠﻪ ) . • ﻓﻮﺍﺋﺪ ﺩﻳﻨﻴﻪ :
ﺫﻛﺮ ﺍﻟﻠﻪ ﻛﺜﻴﺮﺁ ﻭﺍﻟﺪﻋﺎﺀ ﻃﻮﻝ ﺍﻟﻄﺮﻳﻖ
" ﺍﻟﻠﻬﻢ ﻃﻮﻟﻚ ﻳﺎﺭﻭﺡ .. ﺍﺳﺘﻐﻔﺮ ﺍﻟﻠﻪ

ﺍﻟﻌﻈﻴﻢ ... ﺍﻟﺦ "
هنا تدرك المعني الحقيقي ل (ﺳﺎﻋﺎﺕ ﺍﻹﻧﺘﻈﺎﺭ ﺍﻣﻸﻫﺎ ﺑﺎﻹﺳﺘﻐﻔﺎﺭ) . • ﻓﻮﺍﺋﺪ ﻧﻔﺴﻴﻪ:
ﺗﻘﻮﻳﻪ ﺍﻟﺸﺨﺼﻴﻪ
والمهارات الاجتماعية
ﻭﺍﻟﺘﺤﺪﺙ ﻣﻊ ﺍﻱ ﺷﺨﺺ (ﻣﻦ ﻃﺮﻑ ﺑﺲ ). • ﻓﻮﺍﺋﺪ ﺑﺪﻧﻴﻪ :
ﺗﻘﻮﻳﻪ ﺍﻟﺒﺪﻥ
ﻭﺗﻤﺮﻳﻦ ﻋﻀﻼﺕ ﺍﻟﺠﺴﻢ
ﻭﻗﻮﺓ ﺍﺳﺘﺤﻤﺎﻝ ﺍﻛﺘﺮ .. • ﻓﻮﺍﺋﺪ ﺍﺧﺮﻯ :
ﻣﻨﻬﺎ ﺍﻟﻨﻈﺮ ﻓﻲ ﺍﻟﺨﺎﺭﺝ ﻭﺍﻟﺘﺄﻣﻞ ﻓﻲ
ﺍﻟﻤﻨﺎﻇﺮ ﺍﻟﺨﻼﺑﻪ ﻭﺃﺷﻜﺎﻝ (ﺍﻟﺨﻠﻖ ﺍﻟﻤﺴﺨﻨﻪ).
ﻭﺍﻟﺘﻔﻜﺮ ﻓﻲ ﻫﺬﺍ ﺍﻟﻮﺿﻊ ﻭﻛﻴﻔﻴﻪ ﺍﻳﺠﺎﺩ
ﺣﻞ ﺟﺬﺭﻱ ﻟﻬﺬﻩ (ﺍﻟﺒﻬﺪﻟﻪ) ﻭﻣﺎ ﺃﻇﻦ ﻳﻜﻮﻥ
ﻓﻲ ﺣﻞ ﻭﺍﺣﺪ ﻗﺮﻳﺐ .
ﻭﺍﻟﻜﺜﻴﺮ ﻭﺍﻟﻜﺜﻴﺮ ﻣﻦ ﺍﻟﻔﻮﺍﺋﺪ ﺍﻟﺘﻲ ﻻ تحصى ولا تعد ولا ﻧﻌﻠﻤﻬﺎ ..
ﻭﻳﺴﺘﻤﺮ ﺍﻟﺤﺎﻝ ﺍﻟﻲ ﺍﻥ ﻳﺼﻞ ﺍﻟﺒﺺ ﺍﻟﻲ ﺍﻟﻤﺤﻄﺔ ( ﺍﻟﺤﻤﺪﻟﻠﻪ ﺍﺧﻴﺮﺁ)
ﻭﻫﻨﺎ ﻧﺮﻱ ﺍﻟﻌﺠﺐ ﻋﻨﺪﻣﺎ ﻳﻔﺘﺢ ﺍﻟﺒﺺ ﺍﺑﻮﺍﺑﻪ ﻭﺑﺎﻣﻮﺍﺝ ﺑﺸﺮﻳﻪ ﺗﺨﺮﺝ
ﻣﻨﺪﻓﻌﻪ ﻣﻦ ﺩﺍﺧﻞ ﺍﻟﺒﺺ ( ﻳﺎﺭﺑﻲ ﺩﻳﻞ ﻛﺎﻧﻮ ﻗﺎﻋﺪﻳﻦ ﻭﻳﻴﻦ؟ ! )
ﻣﺴﺮﻋﻴﻦ ﻣﻬﺮﻋﻴﻦ مدبرين ﻣﻔﺮﻳﻦ ﻟﻠﺤﺎﻕ ﺑﻤﺸﺎﻏﻠﻬﻢ
ﻭﺑﻌﺪﻫﺎ ﺗﻌﻴﺪ ﺍﻟﻘﺼﻪ ﻧﻔﺴﻬﺎ ﻭﺗﺴﺘﻤﺮ ﺍﻟﺤﻴﺎﻩ ﻭﺍﻟﻤﻌﺎﻧﺎﺓ .
.
.
محمد طارق | زول درويش.

الما رادك ممسح

الما رادك مكتح
ما تتمسح ليو. .
.
وفي مقولة أخرى
الما دارك مكتح
ما حيدورك ممسح :D
يلا المقولة دي فيها معني قريب وهو ظاهر للكل
وفي معني بعيد مخفي..
فشنو المعني البعيد
انو الواحد ما يتقمس شخصية غير شخصيتو عشان يلفت نظر زول او يجذب انتبهاو..
الواحد يكون علي سجيتو و يكون زي ماهو وما يصتنع..
ف النهاية شخصيتك الحقيقية مع مرور الزمن والمواقف حتظهر للزول الانت كنت واهمو .. و تلقائياً حتلقى نفسك خسرتو..
ونظرتو ليك اتغيرت..
و غالباً دي بتحصل في العلاقات العاطفية
مثلاً الولد عشان يكسب قلب البت بحاول يظهر الحاجات الحلوة و يزيد عليها
كمان البت نفس الفهم..
وبعد يرتبطو و تعدي الأيام يجي يقول البت دي ياخ اتغيرت و بقت ما نفس الزولة العرفتها أول. .
كمان البت حتتصدم انو زولها اتغير ما زي أول ..
هو مافي شي اتغير
التغير اصلا كان من البداية ..
فشنو
be your self don't be someone else. .
بالعربي كده
خليك زي ما انت
و خليك واثق من نفسك :)
.
.
محمد طارق | زول درويش.

من غرائب و عجائب الشعب الفرنسي

من غرائب و عجائب الشعب الفرنسي.. .
تلقى البت كاتبه في الحالة بتاعتها " 😍out " يعني مارقة،، علي اساس انها ماشه ماي بليس وكده .. وتجي تلقاها امها مرسلاها جزر بله تجيب ربع لحمه مفرومة و برطمانيه بتاعت فسيخ و بصل بتلاته جنيه ..
،
و تلاقي الولد كاتب نفس الحالة " out 😎" يعني مارق برضو .. وهو اصلا
دائماً
طبيعي
طافش و اوت و اوف سايد اليوم كلو!! .
والقوية بعد ساعتين يغيرو الحالة " ات واس بيوتفل دي 😍😍 "
الساعتين دي معدنها واتس و شمارات لا شافو الدي ولا شافو البيوتفل،، .
.
بالله حركات الشعب السو.... دي بطلوها،، قال بيوتفل دي قال!! 😒😒😒
.
يدلدل جضومكم دي 😂 😂 😂

الا ليت الحياة هكذا

عم الهدوء الفيس و الواتساب 😶
و حالت الشبكة بين الناس!
و حل الصمت بالخرطوم
حتي تنفست الصعداء! 😄
و تبسمت في وجه مواطنيها 😊
و باتت الشوارع فارغة
فوجد الهواء مجال لللعب فيها 💨
ضجت الولايات الاخري بساكنيها.. و افترش الجميع اللحافات 😴
حتي تمكن الشربوت جيداً علي الاعضاء.. 💪🏻
.
الا ليت الحياة هكذا 😁
.
هدوء! 😌
و ليس سكر ما تفهموني غلط 😎😉
. .
محمد طارق | زول درويش.

عشرة الراعي

#عشرة_الراعي. .
.
يلا الناس المخلوعة! و شابكننا السخانه جات!
والشتا فات!
و الشتا جا!
والسخانه فاتت!!
و فتاحي يا ورده! غماضي يا ورده!
احكي ليكم قصه حكوها لينا حبوباتنا 
حكوها ليهم حبوباتهم
اللي حكوها ليهم حبوباتهم
اللي حكوها ليهم حبوبة
حبوبة
حبوبة
حبوباتهم !!
.
قال  ليك كان يامكان
في زمان قديم.....
كان في راعي عندو كم بهيمة كده ممشي بيها امورو.. وهو قاعد في الخلا و غير بهايمو دي ما عندو شي..
ومعروف الخلا بالطقس بتاعو هوا و كتاحه وهلم جره..
فشنو دخل فصل الشتاء و الراعي كان مستحمل الايام الاولي عادي لحدي ما اشتد عليه البرد..
فقرر يشتري بالمال العندو عبايه تقيله للبرد و مشى سوق المدينة البعيد اشتراها ورجع الخلا..
اها بعد فترة البرد خفه وشويه شويه لحدي ما رجع الجو لطبيعتو..
قام الراعي افتكر انو الشتاء خلاص انتهى و قال يبيع العباية ويستفيد من قروشها..
وفعلاً رجع المدينة باع العباية "و مشي اقرب مطعم عزا روحو  بسمك مشوي ظابط كده و معاها قدح شربوت"
اها وزحف تااااني ورجع الخلا! ..
.
يلا بعد كم يوم كده البرد فجأة نزل !
والمره دي نزل بكلووو "بكل مايملك من بروده"
و عمنا الراعي في العراء وحيد و ماعندو قرش و قرر يمشي يبيع ليو بهيمة يشتري شي يتغطالبو لكن المدينة بعيده و هو في السكة بردلب وقع!
و مات جراء البرد القارص قرصة شديدة!!
.
طبعاً فترة السخانه الحصلت فجأة دي كانت زي عشرة أيام تقريباً ..
و انتشر شمار الراعي بين ستات الكسره و الشاي وبتاعين الجزر و سائقي الجِمال!
ومن ذلك المنطلق سُميت عشرة الراعي..
وهي فترة كده بشيل فيها البرد نفسو و يواصل ردم ونفخ تاني..
.
فشنوو الناس ما تستعجل وتحكم غلط و تلم سيوتراتها ساي!
بس نراعي فرق الوقت
لانو الزمن داك اليوم بتاعهم ما زي يومنا ده..
داك يوم صحي صحي!
ويومنا ده يوم نص كم!
.
.
فشنو ردفو يرحمكم الله .
.
.
محمد طارق | زول درويش.

لحظة تأمل

ﻗﻒ ﻭﺿﻊ ﻳﺪﻳﻚ ﻋﻠﻲ ﺳﻴﺎﺝ ﺍﻟﺤﺪﻳﺪ ﺍﻟﻤﻄﻠﻲ ﺑﺎﻟﻠﻮﻥ
ﺍﻻﺧﻀﺮ . . ﻭﺗﺎﻣﻞ ﻋﻠﻲ ﻣﺪ ﺍﻟﺒﺼﺮ ﺗﻠﻚ ﺍﻷﺿﺮﺣﺔ ﺍﻟﻤﺒﻌﺜﺮﺓ ﻓﻲ
ﺍﻷﺭﺽ ﻛﻔﺘﺎﺕ ﺍﻟﺨﺒﺰ ..
ﻗﻒ ﻭﺗﺎﻣﻞ ﻫﺬﻩ ﺍﻷﺿﺮﺣﺔ ﻭﻫﻲ ﺗﺤﻤﻞ ﺃﺳﻤﺎﺀ ﻭﺗﻮﺍﺭﻳﺦ ﻣﺨﺘﻠﻔﻪ
ﻷﻧﺎﺱ ﻛﺎﻧﻮﺍ ﻳﺴﻴﺮﻭﻥ ﺑﻴﻨﻨﺎ ﻭﻓﺠﺄﺓ ﺗﻮﺍﺭﻭﺍ ﺗﺤﺖ ﺍﻟﺜﺮﻯ ..
ﻗﻒ ﻭﺗﺎﻣﻞ ﺗﻠﻚ ﺍﻷﺭﺽ ﺍﻟﺼﻠﺒﻪ ﻭﺍﻟﺴﺮﺍﺏ ﻳﻐﻄﻴﻬﺎ .. ﻻﺗﺴﺘﻄﻴﻊ ﺃﻥ
ﺗﻄﺎﺀ ﻗﺪﻣﺎﻙ ﻓﻮﻗﻬﺎ ﻣﻦ ﺷﺪﺓ ﺍﻟﺴﺨﻮﻧﺔ ﻓﻤﺎ ﺑﺎﻟﻚ ﻟﻮ ﻛﻨﺖ
ﺗﺤﺘﻬﺎ .. ﻭﻓﻲ ﻣﻜﺎﻥ ﻻ ﻳﺴﻊ ﺳﻮﻯ ﺟﻨﺒﻚ ..
ﻗﻒ ﻭﺗﺎﻣﻞ ﺗﻠﻚ ﺍﻟﻮﺟﻮﻩ ﺍﻟﺘﻲ ﺭﺳﻤﺖ ﻋﻠﻴﻬﺎ ﻣﻼﻣﺢ ﺍﻟﺤﺰﻥ ﻭﻫﻢ
ﻣﻠﺘﻔﻮﻥ ﺣﻮﻝ ﺿﺮﻳﺢ ﺟﺪﻳﺪ ﻳﻮﺩﻋﻮﻥ ﻗﺮﻳﺐ ﺍﺧﺮ ﻭﻳﺘﺮﻛﻮﻧﻪ ﺧﻠﻔﻬﻢ ..
ﻗﻒ ﻭﺗﺎﻣﻞ ﻭﺿﻊ ﻧﻔﺴﻚ ﻫﻨﺎﻟﻚ ﺗﺤﺖ ﻛﻮﻣﻪ ﻣﻦ ﺍﻟﺘﺮﺍﺏ ﺑﻴﻦ ﺣﺘﻔﻪ
ﻣﻦ ﺍﻟﺸﺠﻴﺮﺍﺕ ﺍﻟﺼﻐﻴﺮﺓ ﺍﻟﺘﻲ ﻻ ﻇﻞ ﻟﻬﺎ .. ﻭﻗﺪ ﺍﻧﻀﻤﻤﺖ ﻣﻊ
ﺍﻟﺴﺎﺑﻘﻮﻥ ..
ﻗﻒ ﻭﺗﺎﻣﻞ ﻭﺗﺬﻛﺮ ﺍﻧﻚ ﺳﻮﻑ ﺗﺄﺗﻲ ﺍﻟﻲ ﻫﻨﺎ ﺣﺎﻣﻶ ﻋﻠﻲ ﻛﺘﻔﻚ
ﺷﺨﺺ ﻏﺎﻟﻲ ﺳﺘﻔﺎﺭﻗﻪ ﻭﻟﻦ ﻳﻔﻀﻞ ﺳﻮﻯ ﺫﻛﺮﺍﻩ . .ﺳﻴﺬﻫﺐ ﺑﻼ
ﻋﻮﺩﺓ ﺍﻟﻰ ﺍﻟﺤﻴﺎﺓ ﺍﻟﺴﺮﻣﺪﻳﻪ ﺍﻷﺑﺪﻳﺔ . .
ﻗﻒ ﻭﺗﺎﻣﻞ ﺗﻠﻚ ﺍﻟﺬﻛﺮﻳﺎﺕ ﺍﻟﻌﻄﺮﺓ ﺍﻟﺘﻲ ﻛﺎﻧﺖ ﺗﺠﻤﻌﻜﻢ ﻭ ﻫﺎﻫﻲ
ﺗﺄﺧﺬﻩ ﺳﻨﻪ ﺍﻟﺤﻴﺎﺓ ﺗﺎﺭﻛﺎً ﺧﻠﻔﻪ ﺛﻘﺐ ﻛﺒﻴﺮ ﻓﻲ ﻗﻠﺒﻚ ..
ﻗﻒ ﻭﺗﺎﻣﻞ ﻭﺗﺴﺎﻝ ﻣﺎﺫﺍ ﺃﻋﺪﺩﺕ ﻟﺘﻘﺎﺑﻞ ﻋﻈﻴﻢ ﺳﻠﻄﺎﻧﻪ ﻭﺟﻼﻝ
ﻋﻈﻤﺘﻪ؟ ! .. ﻣﺎﺫﺍ ﺃﻋﺪﺩﺕ ﻓﻲ ﺩﻧﻴﺎﻙ ﻻﺧﺮﺗﻚ ؟ !
ﻗﻒ ﻭﺗﺎﻣﻞ ﻭﺗﺨﻴﻞ ﻣﻮﻗﻔﻚ ﺍﻣﺎﻡ ﺍﻟﺴﺆﺍﻝ .. ﻛﻴﻒ ﺳﺘﺠﺎﻭﺏ ﻭ ﺑﻤﺎﺫﺍ
ﺳﺘﺠﺎﻭﺏ؟
.
ﻗﺎﻝ ﺗﻌﺎﻟﻰ : ‏( ﻗُﻞْ ﺇِﻥَّ ﺍﻟْﻤَﻮْﺕَ ﺍﻟَّﺬِﻱ ﺗَﻔِﺮُّﻭﻥَ ﻣِﻨْﻪُ
ﻓَﺈِﻧَّﻪُ ﻣُﻼﻗِﻴﻜُﻢْ ﺛُﻢَّ ﺗُﺮَﺩُّﻭﻥَ ﺇِﻟَﻰ ﻋَﺎﻟِﻢِ ﺍﻟْﻐَﻴْﺐِ ﻭَﺍﻟﺸَّﻬَﺎﺩَﺓِ ﻓَﻴُﻨَﺒِّﺌُﻜُﻢْ ﺑِﻤَﺎ
ﻛُﻨْﺘُﻢْ
ﺗَﻌْﻤَﻠُﻮﻥَ ‏) ‏( ﺍﻟﺠﻤﻌﺔ :8 ‏)
.
ﻗﺎﻝ ﺗﻌﺎﻟﻰ : ‏( ﻛُﻞُّ ﻧَﻔْﺲٍ ﺫَﺁﺋِﻘَﺔُ ﺍﻟْﻤَﻮْﺕِ ﻭَﺇِﻧَّﻤَﺎ ﺗُﻮَﻓَّﻮْﻥَ ﺃُ ﺟُﻮﺭَﻛُﻢْ ﻳَﻮْﻡَ
ﺍﻟْﻘِﻴَﺎﻣَﺔِ ﻓَﻤَﻦ ﺯُﺣْﺰِﺡَ ﻋَﻦِ ﺍﻟﻨَّﺎﺭِ ﻭَﺃُﺩْﺧِﻞَ ﺍﻟْﺠَﻨَّﺔَ ﻓَﻘَﺪْ ﻓَﺎﺯَ ﻭَﻣﺎ ﺍﻟْﺤَﻴَﺎﺓُ
ﺍﻟﺪُّﻧْﻴَﺎ
ﺇِﻻَّ ﻣَﺘَﺎﻉُ ﺍﻟْﻐُﺮُﻭﺭِ {185}) ﺁﻝ ﻋﻤﺮﺍﻥ .
.
.
ﺍﻟﻠﻬﻢ ﺍﺭﺯﻗﻨﺎ ﺣﺴﻦ ﺍﻟﺨﺎﺗﻤﺔ ﺍﻟﻠﻬﻢ ﺃﺣﺴﻦ ﻋﺎﻗﺒﺘﻨﺎ ﻓﻲ ﺍﻷﻣﻮﺭ ﻛﻠﻬﺎ،
ﻭﺃﺟﺮﻧﺎ ﻣﻦ ﺧﺰﻱ ﺍﻟﺪﻧﻴﺎ ﻭﻋﺬﺍﺏ ﺍﻵﺧﺮﺓ .. ﺍﻟﻠﻬﻢ ﺗﻮﻓﻨﺎ ﻣﺴﻠﻤﻴﻦ،
ﻭﺃﺣﻴﻨﺎ ﻣﺴﻠﻤﻴﻦ، ﻭﺃﻟﺤﻘﻨﺎ
ﺑﺎﻟﺼﺎﻟﺤﻴﻦ، ﻏﻴﺮ ﺧﺰﺍﻳﺎ ﻭﻻ ﻣﻔﺘﻮﻧﻴﻦ ..
ﺍﻟﻠﻬﻢ ﺍﺭﺣﻢ ﻣﻮﺗﺎﻧﺎ ﻭ ﻣﻮﺗﻰ ﺍﻟﻤﺴﻠﻤﻴﻦ ﺭﺣﻤﺔ ﻭﺍﺳﻌﺔ ﻭﺗﻐﻤﺪﻫﻢ
ﺑﺮﺣﻤﺘﻚ .. ﺍﻟﻠﻬﻢ ﻗﻬﻢ ﻋﺬﺍﺑﻚ
ﻳﻮﻡ ﺗﺒﻌﺚ ﻋﺒﺎﺩﻙ ..
.
.
ﺍﻟﻠﻬﻢ ﺍﻣﻴﻴﻴﻴﻦ .
.
.
ﻣﺤﻤﺪ ﻃﺎﺭﻕ .